विराटनगर, फागुन २४ । विराटनगरमा सबै जातजातिको पहिरनहरु एकै छानामुनि पाइने पहिलो स्टोरको खुलेको छ । महिविर रोडको मुखैमा खुलेको न्यू राष्ट्रिय पोषाक घरले नेपालको विभिन्न जातिय पहिरनको बिक्रि शुरु गरेको हो ।
बिहिबार न्यू राष्ट्रिय पोषाक घरको ग्राण्ड ओपोनिङ समेत भएको छ । आपेनिङको साताभरि स्टोरले ग्राहकलाई १५ प्रतिशत छुटदिने योजना समेत ल्याएको छ । सो स्टोरमा मगर, गुरुङ, सेर्पा, तामाङ, राई, लिम्बु लगाएत विभिन्न जातजातिले लगाउने पोशाक राखिएको छ । स्टोरले रेडिमेड पोषाक राख्नुको साथै, ग्राहकको नाप अनुसार पनि जातिय पोशाक बनाईदिने गरेको छ ।
विराटनगरमा विभिन्न जातजातिका पोशाक पाइने भरपर्दो स्टोरको खाँचोलाई मध्यनजर गर्दै न्यू राष्ट्रिय पोषाक घरका खोलिएको संचालक मास्टर अलाहुदिन अन्सारी बताउँछन् । “जातिय पोशाक पाउने स्टोर विराटनगरमा एकदमै न्युन छन् त्यसमाथि एकै ठाँउमा सबै जातजातिको पोशाक पाईने यो नै पाहिलो स्टर हो” मास्टर अन्सारी भन्छन् “जातिय पोशाक बनाउने बेच्ने फाटफुट पसलहरु त छन् तर कुन जातिको पोशाक कुन पसलमा पाईन्छ र त्यो पसल कँहा छ प्रायलाई थाहा हुदैन । सोही कारण सबै जातिको पोशाक एकै पसलमा पाईने गरि हामीले महाबिर रोडमा न्यू राष्ट्रिय पोशाक घर खोलेका हौं ।”
मास्टर अलाहुदिन अन्सारीले विगतको तिन दशक देखि विराटनगरको बाटारोडमा न्यू समिर टेलिरिङ समेत चलाउँदै आएका छन् । र विगतको दुई वर्षयता बाटारोडमै राष्ट्रिय दाउरा शुरुवाल नामक सर्टिङ–सुटिङ लगाएत वैवाहिक पहिरनको कपडा तथा पोशाक बनाउने–बच्ने स्टोर पनि संचालन गरिरहेका छन् ।
