विराटनगर, चैत १९ । दर्शन नेपाल निःशुल्क अभियानले विराटनगरमा वृक्षरोपण तथा बोटबिरुवा स्याहार कार्य शुरु गरेको छ । दर्शन नेपालका एक दर्जनभन्दाबढी सदस्यले शनिबार रोडशेषबाट वृक्षरोपण तथा बोटबिरुवा स्याहार कार्य शुरु गरेको हो ।
कोरोनाकालदेखि विभिन्न समाजिक काम गर्दै आएकोे सो अभियानले विराटनगरको सौन्दर्यलाई बचाई राख्न उक्त कार्य शुरु गरेको अभियानका अध्यक्ष दिपक ढकालले बताए । हाईवे क्षेत्रमा सौन्दर्यकरणको लागि पहिलेदेखिनै रोपिएका तर हेरचाह नहुदाँ सुक्न पुगेका बोटबिरुवालाई पहिलो चरणमा जलमल गर्ने ढाकलको योजना छ । दास्रोचरणमा भने खाली ठाँउहरुमा नँया वृक्षारोपण गरी विराटनगरलाई हराभरा बनाउने अभियोनको लक्ष्य रहेको अध्यक्ष ढाकलले बताए ।
ढकालकै नेतृत्वमा अभियानले विराटनगरमा निःशुल्क शव बहान समेत संचालन गरिरहेको छ । त्यसबाहेक पनि क्यान्सर, मुटु रोग, मृगौलाका रोग लगाएतका गम्मभीर बिरामीसँग संर्घष गरिरहेकाहरुलाई पनि यस अभियानले सहयोग जुटाउँदै आएको छ । कारोनाकालको बेलापनि विराटनगरमा हजार बढी घरलाई निशुल्क सेनिटाईज गरी सो अभियानले चर्चा कमाएको थियो ।
