विराटनगर, वैशाख २४
चतरामा जारी बाह्र वर्षे महाकुम्भ मेलामा आउने तिर्थालुलाई विराटनगर भन्सार एजेण्ट संघले शनिबार नि:शुल्क भोजनग्रहण गराएको छ । एक दिने सो कार्यक्रममा करिब ८ सय जना तिर्थालुले भोजनग्रहण गरेको संघका सचिव अनिष खनालले जनाकारी दिएका छन् ।
संघले तिर्थालुका लागि शुद्ध साहाकारी खाना जसमा भात, दाल, २ थरिका तरकारी, अचार र पापडको व्यवस्था गरेकाे थियो । भन्सारका एजेण्टहरु सधै परोपकारी काममा अगाडी रहेको र संघको नेतृत्वमा यस्ता कामलाई निरन्तर अघि बढाईरहने सचिव खनालले प्रतिक्रिया समेत दिएका छन् ।
संघका गुडिया पौडेल, अनिष खनाल, सुनिल लाभ, केवलराम गिरी, दिपक चौधरी, तारा पुलामी लगाएतले प्रत्यक्ष खटिएर भोजन वितरण र व्यवस्थापनका काम गरेका थिए । त्यस्तै लिला नेपाल, चन्द्रमणि दाहाल, सौगात पोखरेल, रिवाज रोक्का लागएतका सदस्य, आगन्तुकमा घनश्याम पाठक र आयशा धितालले समेत कार्यक्रमलाई सफल बनाउन सहयोग गरेका थिए । साे कार्यक्रमकाे लागी करिब दुई लाख रुपैयाँ खर्च भएकाे संघले जानकारी दिएकाे छ ।
