कानेपोखरी , १ जेष्ठ । मोरङको कानेपोखरी ४ स्थित वयरवनमा प्रथम मिनि महोत्सव २०८१ हुने भएको छ । जेठ ३ गते देखि २४ गते सम्म सञ्चालन हुने साे मिनि महोत्सव वयरवनस्थित खोरिया जाने बाटोमा मेला लाग्नेछ । मंगलबार आयोजक श्री मातृ भुमी समाजसेवा युवा क्लबले वयरवनमा पत्रकार सम्मेलनकाे आयाेजन गरी साे महाेत्वबारे जानकारी गराएकाे हाे ।
उक्त महत्सवकाे व्यवस्थापन लोटस इन्टरटेन्डमेन्ट प्रालि दमकले गर्ने भएकाे छ । साे महाेत्सवमा राष्ट्रिय स्तरका चर्चित कलाकारहरुका साथै स्थानीय प्रतिभाहरुकाे प्रस्तुती रहने साे मेलाका प्रचार प्रसार संयोजक सन्दिप खत्रीले जानकारी दिए । महोत्सवमा मनोरञ्जनका लागि रोटेपिङ, ड्राइगन रेस लगायतका खेलहरु समेत समावेश गरिने आयोजक श्री मातृ भुमी युवा क्लबका अध्यक्ष लिला बहादुर बुढाथोकीले जानकारी गराए ।
