रंगेली, जेठ २ । मोरङको रतुवामाई नगरपालिका -६ कादुपाडामा प्रहरीले लागु औषधी कारोबारमा संलग्न व्यक्तिलाई पक्राउ गर्न सफल भएको छ। पक्राउ गर्न खोज्दा प्रहरीले दुई राउन्ड गोली समेत चलाएको छ । एक भारतीय नागरिकलाई दाईने खुट्टामा दुई गोली लागेको प्रहरीले जनाएको छ ।
पक्राउ पर्ने भारत किशनगंज धावा टोल घर भएका ३४ वर्षीय भागिरथ हरिजन घाइते भएका छन् । उनको खुट्टाको हड्डि भाचिएर उपचार भईरहेको प्रहरीले जनाएको छ । भारतीय नागरिक हरिजनलाई गोली प्रहार गरी नियन्त्रणमा लिएको र हरिजनको अहिले उर्लाबारी स्थित अरनीको अस्पतालमा उपचार भइरहेको प्रहरीले जनाएको छ।
भारतीय स्रोतका अनुसार भारतको किशनगंज घर भनेता पनि निजको घर अन्यत्र भएको हुन सक्ने र निजको आधारकार्ड समेत डुव्लिकेट भएको हुन सक्ने समाचार स्रोतले जनाएको छ।
