विराटनगर,१४ असार । विराटनगरमा रोटरी व्यापार मेला सुरु भएको छ । रोटरी क्लव अफ डाउनटाउनको आयोजनामा विराटनगरको सिटी प्यालेसमा शुक्रबार बाट व्यापार मेला सुरु भएको हो ।
आन्तरिक मामिला तथा कानून मन्त्री लिलाबल्लभ अधिकारीले मेलाको उद्घाटन गरेका थिए । दुईदिन सम्म चल्ने मेलामा नेपाल,भारतमा उत्पादन भएका विभिन्न सामाग्री राखिएको छ । यस्तै मेलामा कोदाको मःम लगायत विभिन्न खानेपरिकारहरुपनि पाइने भएको छ । महिलाहरुका लागि विशेष गरहना र श्रृगारका सामाग्रीहरु स्टलमा राखिएको छ । ५१ वटा स्टलहरु राखिएको डाउनटाउनकी अध्यक्ष रोटरियन मन्जु अग्रवालले जानकारी दिइन् । कार्यक्रममा पव्लिक इमेज प्रमुख मुक्ता तोदी, सचिव सुगन्दा तोदी, सामाजिक अभियन्ता किरण कर्ण , रचना राठी, कुसुम चेनवाला, कांग्रेस नेतृ विन्दिया कार्की, समाजसेवी तथा उद्योगी वेनिगोपाल मुन्दडा, नन्दु राठी, नन्दु राठी,भीखम चन्द सरल लगायतको उपस्थिती रहेको थियो ।
