विराटनगर, साउन २२ – देशकै प्रख्यात शैक्षिक संस्था अरनिको माविमा कक्षा ११ को भर्नाका लागि विद्यार्थीहरूको अत्यधिक चाप देखिएको छ। विशेषगरी विज्ञान संकायतर्फ भर्ना हुन चाहने विद्यार्थीहरूको संख्या उल्लेखनीय रहेको छ। बुधबार सम्पन्न भएको प्रवेश परीक्षामा विज्ञान विषयका ८०० सिटका लागि १,९०३ जना विद्यार्थीहरूले परीक्षा दिएका छन्। यसले अरनिको माविप्रति विद्यार्थीहरूको बढ्दो आकर्षण देखाउँछ।
कलेजका प्रिन्सिपल राजेश भन्छन् , “हामीप्रति गरिएको विश्वासलाई हामी कायम राख्नेछौं। कलेजको प्रतिष्ठालाई अझै उच्च स्तरमा पुर्याउन हामी निरन्तर प्रयासरत रहनेछौं।” कार्कीका अनुसार, विद्यार्थीहरूलाई एसईई र प्रवेश परीक्षाको अंकको आधारमा १० हजारदेखि १ लाख रुपैयाँसम्म छुट प्रदान गरिनेछ।
यसैबीच, अमेरिकाेका पूर्व विद्यार्थीहरू दिवस थापा र नीलहरि भण्डारीले तीन जना नयाँ विद्यार्थीलाई पूर्ण छात्रवृत्ति प्रदान गरेका छन्। थापाले दुई जना गरिब जेहेन्दार विद्यार्थी र भण्डारीले एक जना सरकारी विद्यालयबाट आएका विद्यार्थीलाई यो सुविधा दिएका हुन्। अरनिको माविबाट उत्तीर्ण विद्यार्थीहरूले चिकित्सा र नर्सिङ क्षेत्रमा उल्लेखनीय सफलता हासिल गरिरहेका छन्, जसले गर्दा यो संस्था विज्ञान शिक्षाको केन्द्रको रूपमा स्थापित भएको छ।
