काठमाडाैं, वैशाख १६ । सरकार र आन्दोलनरत शिक्षकबीचको वार्ता सहमति नजिक पुगेको छ। सत्तारूढ दल र शिक्षक महासंघबीच सोमबार भएको छलफलले यस्तो संकेत दिएको हो। २७ दिनदेखि चलिरहेको आन्दोलन टुंगिने सम्भावना बढेको छ। शिक्षकका माग सम्बोधन गर्ने तीन खाकामा छलफल भएको छ – केही माग मन्त्रिपरिषद्बाट पूरा गरिने, विद्यालय शिक्षा ऐन जारी गर्ने प्रतिबद्धता र शिक्षकहरू विद्यालय फर्किने।
पूर्व शिक्षामन्त्री भट्टराईको ७ बुँदे प्रस्तावलाई आधार मानेर सहमति जुटाउने प्रयास भएको छ। एक-दुई दिनभित्रै टुंगो लाग्ने सम्भावना देखिएको नेताहरूले बताएका छन्। सरकारीले शिक्षा मन्त्रालयको प्रस्ताव आएपछि एक-दुई दिनमै शिक्षकका माग सम्बोधन हुने बताएकाे छ। प्रस्तावमा बिरामी बिदा रकम, निजामती अस्पतालमा उपचार, बालविकास शिक्षकलाई न्यूनतम पारिश्रमिक, ग्रेड समायोजन र दुर्गम भत्ताका लागि बजेटको व्यवस्था छ।
शिक्षक महासंघले विद्यालय शिक्षा ऐन जारी हुनुपर्ने मागलाई आफ्नो अन्तिम रेखा बनाएको छ।
