विराटनगर, असार २० । निजी कलेजहरूलाई समेत चुनौती दिँईरहेकाे देशकै शीर्ष सरकारी विद्यालयहरूमध्ये पर्ने विराटनगरकाे पोखरीया विद्यालयले शुक्रवार कक्षा ११ को पहिलो चरणको प्रवेश परीक्षा सफलतापूर्वक सञ्चालन गरेको छ। प्रवेश परीक्षामा विज्ञान (Science) विषयमा २६० जना र व्यवस्थापन (Management) विषयमा १५५ जना गरी कुल ४१५ जना विद्यार्थीहरूले सहभागिता जनाएका छन्।
सरकारी विद्यालयको प्रवेश परीक्षामा यो संख्या सामान्य नभएर चकचकी संख्या मानिन्छ। यसले पोखरीया विद्यालयको बढ्दो लोकप्रियता र गुणस्तरीय शिक्षाको प्रमाण दिन्छ। विद्यालयका प्रिन्सिपल खेमराज भट्टराईले औपचारिक रूपमा सबै विद्यार्थीहरूलाई शुभकामना दिनुका साथै विद्यालयमा हार्दिक स्वागत गरेका छन्। उहाँले भन्नुभयो, “हाम्रो सरकारी विद्यालयप्रति विद्यार्थीहरूले देखाएको यो विश्वास र चासोले हामीलाई थप प्रेरणा दिएको छ।”
पोखरीया विद्यालय नेपालकै शीर्ष सरकारी विद्यालयहरूमध्ये एक हो जसले निजी विद्यालयहरूलाई कडा प्रतिस्पर्धा दिइरहेको छ। देशभरमा चर्चित यो विद्यालयको उत्कृष्ट शैक्षिक वातावरण र गुणस्तरीय शिक्षाको कारणले यो विद्यार्थी र अभिभावकहरूको पहिलो रोजाइमा परेको छ। विशेष कुरा यो छ कि प्रिन्सिपल खेमराज भट्टराई एक यस्ताे विशिष्ट व्यक्तित्व हुन् जसले शिक्षा क्षेत्रमा पुर्याएकाे अमूल्य योगदानको कारण राष्ट्रपतिबाट पदक प्राप्त गरिसकेका छन्। उहाँको नेतृत्वमा पोखरीया विद्यालयले निरन्तर उत्कृष्ट परिणाम हासिल गर्दै आएको छ। उहाँको कुशल नेतृत्वमा विद्यालयले शैक्षिक उत्कृष्टता हासिल गर्नुका साथै सरकारी शिक्षा प्रणालीमा एक नयाँ मापदण्डको स्थापना गरेको छ। पोखरीया विद्यालयको सफलताले अन्य सरकारी विद्यालयहरूका लागि प्रेरणाको स्रोत बनेको छ।
प्रवेश परीक्षामा सहभागी विद्यार्थीहरूले विद्यालयको प्रतिष्ठा र गुणस्तरीय शिक्षाको कारणले यहाँ अध्ययन गर्न चाहेको बताएका छन्। एक विद्यार्थीले भने, “सरकारी विद्यालयमा पनि निजी विद्यालयजस्तै गुणस्तरीय शिक्षा पाउन सकिन्छ भन्ने कुरा पोखरीया विद्यालयले प्रमाणित गरेको छ।” पोखरीया विद्यालयको यो सफलताले नेपालको सरकारी शिक्षा प्रणालीमा एक सकारात्मक संदेश फैलाएको छ। यसले प्रमाणित गरेको छ कि उचित नेतृत्व र प्रतिबद्धताका साथ सरकारी विद्यालयहरूले पनि निजी विद्यालयहरूलाई कडा प्रतिस्पर्धा दिन सक्छन्।
