१४ भाद्र २०८२, शनिबार
30-08-2025 , Sat
Gold Silver Price (28 shrawan 2082, Wed)
Fine Gold 1 Tola NRs. 197200
Silver 1 Tola Nrs. 2340

साउनको पहिलो सोमबार, देशभरका शिवमन्दिरहरूमा भक्तजनको भीड

Logo
जनचर्चा संवाददाता प्रकाशित सोमबार, साउन ०६, २०८२

५ साउन, काठमाडौं । आज साउन महिनाको प्रारम्भिक सोमबार, देशभरका शिवमन्दिरहरूमा श्रद्धालुहरूको ठूलो भीड देखिएको छ।

हिन्दू धर्मावलम्बीहरू साउनका सोमबारहरूलाई भगवान शंकरको विशेष दिन मानेर उपवास बसी पूजाअर्चना गर्ने परम्परा छ। यो वर्ष साउनमा जम्मा चार सोमबार परेका छन्। व्रतालुहरूले बिहान स्नान गरी शिवलिंगमा जल, दूध अर्पण गर्छन् र बेलपत्र, धतुरा, फूलफल चढाएर पूजा गर्छन्।

शिवपूजाबाट अटुट सौभाग्य, मनोकामना पूर्ति र पारिवारिक खुशी, शान्ति तथा समृद्धि प्राप्त हुने धार्मिक मान्यता छ।

आजको दिन काठमाडौं उपत्यकासहित देशभरका शिवमन्दिरहरूमा श्रद्धालुहरू लाइनमा बसेर पूजाअर्चना गरिरहेका छन्। ललितपुरको कुम्भेश्वर, भक्तपुरको डोलेश्वर लगायतका प्रमुख मन्दिरहरूमा पनि उत्तिकै भीड देखिएको छ।

पशुपतिनाथमा विशेष व्यवस्था

राष्ट्रिय शिवमन्दिर पशुपतिनाथमा आज विशेष चहलपहल छ। श्रद्धालुहरूका लागि सुविधा मिलाउन मन्दिरका चारैवटा ढोका आज बिहान ३ बजेदेखि नै खुला गरिएको थियो।

पशुपति क्षेत्र विकास कोषको अनुमानअनुसार आज करिब ५ लाख भक्तजनले मूल मन्दिरमा प्रवेश गरी दर्शन गर्ने अपेक्षा गरिएको छ।

कोषले यस वर्षदेखि साउनका सोमबारहरूमा पशुपति दर्शनका लागि आउने भक्तजनहरूलाई चक्रपथमा निःशुल्क बस सेवा सुरू गरेको छ। चारवटा बसले परिक्रमा गर्दै सेवा दिने यो व्यवस्था साउनका सबै सोमबार जारी रहनेछ।

कमेन्ट गर्नुहोस्
सम्बन्धित

२९ श्रावण, विराटनगर । पूर्वाञ्चल विश्वविद्यालय कलेज अफ ल, विराटनगरमा भर्ना कार्यक्रम धमाधम भइरहेको छ। श्रावणको पहिलो साताबाटै सुरु भएको भर्ना कार्यक्रममा ठूलो संख्यामा विद्यार्थीहरुको चासो देखिएको छ। शैक्षिक सत्र २०८२ (सन् २०२५) का लागि ५ वर्षे बि.एल.एल.बि र ३ वर्षे एल.एल.बि शैक्षिक कार्यक्रममा नयाँ विद्यार्थी भर्ना लिईदैछ। उक्त शैक्षिक कार्यक्रमहरु बार्षिक प्रणालीमा संचालित हुने […]

विराटनगर,२९ साउन । हुलाकी राजमार्गको मोरङ खण्ड अन्तरगत ६ किलोमिटर सडक निर्माण सुरु भएको ६ वर्षसम्म नबनेपछि कोशी प्रदेशका सांसद भीम पराजुलीले गत आइतबार कोशी प्रदेशसभा बैठकको शून्य समयमा बोल्दै सडकको काम तत्काल अघि नबढे प्रदेशसभा अगाडि आमरण अनशन बस्ने घोषणा गरिदिए । यस संगै सदन,सडक र नेताहरुमाझ चर्चाको विषय बनेको हुलाकी राजमार्गको बहस सकिएको छैन […]

विराटनगर, भाद्र २८ – देशको  पुरानो र भरपर्दो शैक्षिक परामर्शदाता संस्था ओली एण्ड एसाेसियट्सले मंगलबार विराटनगरमा आफ्नो ११औं शाखाको उद्घाटन गरेको छ। उद्घाटनकै अवसरमा विदेश पढ्न जान चाहने विद्यार्थीहरूको लागि ग्लोबल एक्स्पोको पनि आयोजना गरिएको थियो। संसारीमाई स्थान नजिक रहेको कन्सल्टेन्सी भवनमा आयोजित कार्यक्रममा विदेश अध्ययनमा रुचि राख्ने ५०० भन्दा बढी विद्यार्थीहरूले सहभागिता जनाएका थिए। […]