विराटनगर,२४ असोज । सुदन गुरुङ नेतृत्वको जेनजीका सातै प्रदेशका संयोजकहरूले सुशिला कार्की नेतृत्वको सरकारलाई जेनजीकाे म्यान्डेटभन्दा बाहिर नजान खबरदारी गरेका छन्। साे समूहकाे प्रदेशका संयोजकहरूले सयुक्त विज्ञप्ती जारी गरी साे कुरा बताएका हुन् । भदौ २३-२४ मा भएको भ्रष्टाचार विरुद्धको विद्रोहपछि गठित सरकारका सकारात्मक कार्यलाई समर्थन गर्ने तर विद्रोहको म्यान्डेटभन्दा बाहिर गए खबरदारी गर्ने उनीहरूले स्पष्ट पारेका छन्।
युवा अगुवाहरूले राज्यको दमन र हत्याको निष्पक्ष छानबिनका लागि उच्चस्तरीय आयोग गठन, राजनीतिक नियुक्ति र सिण्डिकेट अन्त्य गर्न माग गरेका छन्। संविधान र संघीय लोकतान्त्रिक गणतन्त्रको पक्षमा रहेको स्पष्ट पार्दै उनीहरूले संवैधानिक सुधारमार्फत दीर्घकालीन समाधान खोज्ने प्रतिबद्धता व्यक्त गरेका छन्।
