१६ मंसिर २०८२, सोमबार
01-12-2025 , Mon
Gold Silver Price (12 Mansir 2082, FRI)
Fine Gold 1 Tola NRs. 251100
Silver 1 Tola Nrs. 3360

सुनसरीका एसपीको ह्वाट्सएप ह्याक गरी पैशा माग्दै ह्याकर

Logo
जनचर्चा संवाददाता प्रकाशित मंगलबार, आश्विन २८, २०८२

इटहरी, असाेज २८। जिल्ला प्रहरी कार्यालय सुनसरीका कार्यालय प्रमुख एसपीले चलाउँदै आएको ह्वाट्सएप ह्याक भएको छ। ह्याकरले एसपीको ह्वाट्सएप प्रयोग गरी उनका चिनजानका व्यक्तिहरूलाई पैसा माग्ने गरेको पाइएको छ।

ह्याकरले एसपीको नाममा उनका चिनजानकालाई सन्देश पठाउँदै अतिआवश्यक परेको भन्दै रकम माग गरेको पाइएको हो। जिल्लाका एसपी केशवकुमार थेबेले यसबारे जानकारी दिँदै केहि दिनअगाडि आफ्नो ह्वाट्सएप ह्याक भएर केहीलाई पैसा माग गरिएको बताए। उनले अपराधीले दुईजनाको नाममा पैसा जम्मा गर्न भन्दै सानिमा सेभिङ खाताको नम्बर दिने गरेको जानकारी दिए।

एसपीका चिनजानका एक व्यक्तिलाई ह्याकरले अति आवश्यक भन्दै ३० हजार रुपैयाँ नगद माग गरेको थियो। अपराधीले सो रकम कुनै साथीको नाममा पठाउन भन्दै सुरज गोउन्ड कहरको नाममा रहेको सानिमा सुलभ सेभिङ्स खातामा जम्मा गर्न भनेकाे थियो। यसरी पैसा माग गरेपछि एसपी थेबेलाई आफ्नो ह्वाट्सएप ह्याक भएको थाहा भएको थियो।

सो खाता नम्बर ०७५०११०६०००३४९८ रहेको छ। अपराधीले सानिमाको क्युआर कोड पनि पठाएका थिए। खाताबारे थप बुझ्दा ती कर्मचारीले गोपनीयताका कारण विस्तृत जानकारी दिन नमिल्ने बताए।

बढ्दो साइबर अपराध

पछिल्लो समय फेसबुक र ह्वाट्सएप ह्याक गरी यसरी पैसा माग्ने क्रम बढ्दो छ। पछिल्लो केही वर्षमा फेसबुक र ह्वाट्सएप ह्याक हुने क्रम बढेकाे छ। चर्चित व्यक्तित्व, कलाकार, नेता, अभिनेता देखि आमसर्वसाधरणासम्मका फेसबुक र ह्वाट्सएप ह्याक भईरहेका छन् ।
प्रत्येक दिन सयौं नागरिकको फेसबुक र ह्वाट्सएप ह्याक भइरहेको हुन्छन् । अहिले त हुँदाहुँदै प्रहरीको एसपीको समेत ह्वाट्सएप ह्याक हुनु भनेको साइबर अपराधीहरूको मनोबल बढेको संकेत हो। यसले साइबर सुरक्षामा गम्भीर प्रश्न खडा गरेको छ।

कमेन्ट गर्नुहोस्
सम्बन्धित

काठमाडौँ११ मंसिर। ‘सामाजिक सुरक्षाः सर्वव्यापी स्वस्थ्य सेवाको पहुँच, पेन्सनयोग्य समाज र उत्पादकत्व अभिवृद्धिसहित नागरिक जीवनको रक्षा’ भन्ने नाराका साथ आज आठौँ सामाजिक सुरक्षा दिवस मनाइँदै छ । ‘असल श्रम सम्बन्धको आधार सामाजिक सुरक्षा र रोजगार’लाई मूल मन्त्र मानेर आठ वर्षअघि योगदानमा आधारित सामाजिक सुरक्षा कार्यक्रमको घोषणा गरिएको दिनको सम्झनामा आज दिवस मनाउन लागिएको हो । प्रधानमन्त्री […]

काठमाडौं , १० मंसिर/ नेकपा एमालेको ११ औं महाधिवेशनको प्रतिनिधि छनौटको काम अगाडि बढेको छ। मंसिर २७–२९ गते काठमाडौंमा हुने पार्टीको ११ औँ राष्ट्रिय महाधिवेशनका लागि प्रतिनिधिहरू छनोट गर्न अधिकांश जिल्लाले निर्वाचन कार्यतालिका सार्वजनिक गरेका छन् । एमालेको महाधिवेशनमा झण्डै २२ सय प्रतिनिधि सहभागी हुँदैछन् ।एमालेले पार्टी सदस्यको संख्याअनुसार ‘क्लस्टर’ छुट्याएर प्रतिनिधि चयनको मापदण्ड बनाइएको छ। […]

विराटनगर, मंसिर ५ ।  चिकित्सा शिक्षा आयोगले लिएको एमबीबीएस प्रवेश परीक्षामा उत्कृष्ट नतिजाका साथ नाम निकाल्न सफल भएका आफ्ना विद्यार्थीहरूलाई विराटनगरको कान्तिपुर कलेजले सम्मान गरेको छ। विराटनगर महानगरपालिका–१० मा अवस्थित कलेजले शुक्रबार एक विशेष कार्यक्रम आयाेजना गरी एमबीबीएस प्रवेश परीक्षामा नाम निकाल्न सफल तीन विद्यार्थी सहित वार्षिक परीक्षामा उत्कृष्ट अंक ल्याउने ४३ विद्यार्थीहरूलाई सम्मान गरेको […]