काठमाडाै, कार्तिक ०९ । नेपाली बजारमा आइतबार सुनको मूल्य तोलामा ११ हजार ६०० रुपैयाँले घटेको छ। छापावाल सुन प्रतितोला २ लाख ४१ हजार ९०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
तिहारअघि कात्तिक ३ गते सुन प्रतितोला २ लाख ५३ हजार ५०० रुपैयाँमा कारोबार भएको थियो। चाँदीको मूल्य पनि २६५ रुपैयाँले घटेर प्रतितोला ३ हजार १५ रुपैयाँमा झरेको छ।
अन्तर्राष्ट्रिय बजारमा सुनको मूल्यमा १२ वर्षयताकै ठूलो गिरावट आएपछि नेपाली बजारमा पनि मूल्य घटेको हो। गत मंगलबार अन्तर्राष्ट्रिय बजारमा सुन ६.३ प्रतिशतले घटेर प्रतिऔंस ४,०८२ डलरमा झरेको थियो, जुन सन् २०१३ अप्रिलपछिको सबभन्दा ठूलो एकदिने गिरावट हो।
