विराटनगरको रानी नाका तीन दिनका लागि बन्द

विराटनगर, कार्तिक २३ – भारतको बिहार विधानसभा निर्वाचन २०२५ को दोस्रो चरणको मतदानका कारण विराटनगरको रानी नाका तीन दिनका लागि बन्द गरिएको छ। मोरङ प्रशासन र भारतीय समकक्षीसँगको छलफलमा सहमति भएअनुसार यो निर्णय लिइएको हो। मतदानकाे दिन भन्दा ७२ घण्टा पूर्व नेपाल-भारत सीमा सील गर्ने सहमति भएकाे छ।

• बन्द भएको समय: मिति २०८२।०७।२२ गते शनिबार बेलुकी ६:१५ बजेदेखि
• खुल्ने समय: मिति २०८२।०७।२५ गते मंगलबार मतदान समाप्त भएपछि मात्र
• अवधि: कुल ७२ घण्टा

बिहार विधानसभा निर्वाचनको मतदान मंगलबार हुँदैछ र मतदान समाप्त नभएसम्म सीमा नाका बन्द रहने मोरङ प्रशासनले जनाएको छ।