काठमाडाैं, फागुन १४ । आगामी फागुन २१ गते हुने मतदानलाई स्वच्छ र सुरक्षित बनाउन उच्चस्तरीय निर्वाचन सुरक्षा समितिले थुप्रै महत्त्वपूर्ण निर्णयहरू गरेको छ। मतदान मितिभन्दा सात दिन अगाडिदेखि नै मादक पदार्थको किनबेच र सेवनमा पूर्ण प्रतिबन्ध लागू भएको छ, जुन अन्तिम निर्वाचन परिणाम आउँदासम्म कायम रहनेछ। त्यसैगरी फागुन १८ गते (माैनअवधी) मध्यरातदेखि चुनावी प्रचारप्रसारमा रोक लगाइएको छ।
मतदानको दिन अर्थात् फागुन २० गते राति १२ बजेदेखि साँझसम्म एम्बुलेन्स, दमकल र सुरक्षा निकायका सवारीसाधनजस्ता अत्यावश्यक सेवाबाहेक अन्य सबै सार्वजनिक तथा निजी सवारी सञ्चालनमा प्रतिबन्ध रहनेछ। निर्वाचन आचारसंहिता उल्लङ्घन भएमा कानुनबमोजिम तत्काल कारबाही गरिने गृह मन्त्रालयले जानकारी दिएको छ।
