१५ फागुन, काठमाडौं । शुक्रबार बजारमा सुनको मूल्यमा सामान्य कमी आएको छ । नेपाल सुनचाँदी व्यवसायी महासंघका अनुसार आज सुनको भाउ प्रतितोला ५ सय रुपैयाँले घटेर ३ लाख १४ हजार ९ सय रुपैयाँमा झरेको छ । बिहीबार यो मूल्य ३ लाख १५ हजार ४ सय रुपैयाँ रहेको थियो ।
उल्लेखनीय छ कि यसअघि माघ १५ गते सुनको मूल्य ३ लाख ३९ हजार रुपैयाँ प्रतितोला पुगेको थियो, जुन अहिलेसम्मकै सर्वोच्च भाउ हो ।
अर्कातर्फ, सुन सस्तिँदा चाँदीको भाउ भने आज मामूली रूपमा बढेको छ । बिहीबारको तुलनामा प्रतितोला १५ रुपैयाँले वृद्धि भई आज चाँदी ५ हजार ७ सय ४० रुपैयाँमा कारोबार भइरहेको छ ।
