दाङमा पानी ट्याङ्कीभित्र दुई जनाको शव फेला, अक्सिजन अभावकाे अनुमान

दाङ, साउन ६। दाङ जिल्लाको तुलसीपुर उपमहानगरपालिका–६ रजौरामा निर्माणाधीन एउटा घरको पानी ट्याङ्कीभित्रबाट बुधबार दुई जनाको शव भेटिएको छ। मनिराम चन्दको स्वामित्वमा रहेको सो घरको खाली पानी ट्याङ्कीमा शव फेला परेको हो।
प्रहरीकाे प्रारम्भिक अनुसन्धान अनुसार ट्याङ्कीभित्र अक्सिजनको अभावका कारण दुवैको मृत्यु भएको हुन सक्ने  अनुमान गरिएको छ। मृतकहरू एक मजदुर र एक ठेकेदार रहेको बुझिएको छ, तर उनीहरूको स्पष्ट पहिचान अझै हुन बाँकी छ। घटनाको विस्तृत अनुसन्धान जिल्ला प्रहरी कार्यालय दाङले जारी राखेको छ।