विराटनगर, मंसिर ७
विराटनगरका लागी गल्फ लुब्रिकेन्ट आधिकारीक डिलर जेबी इन्टर प्राइजेसले आफ्ना विक्रताहरूलाई स्कीम वितरण गरेको छ । डिलरले आज विराटनगरको जेनियल होटलमा एक कार्यक्रमको आयोजना गरी विक्रताहरूलाई स्कीम वितरण गरेको हो ।
वर्षभरीमा उत्कृष्ट कारोबार गर्ने विक्रेताहरूलाई स्कीम स्वरुप मोटसाइकल, फिरिच, टिभी, वासिङ्ग मेसिनलगायतको विभिन्न समाग्री वितरण गरिएको छ । स्कीम अन्तर्गत आर्थिक वर्ष ७५÷७६मा उत्कृष्ट कारोबार गर्ने जगदम्बा ब्यारिङ्ग सेन्टरले यमहा कम्पनीको मोटसाइकल प्राप्त गरेको छ । स्कीम प्राप्त गर्ने विक्रेताहरूलाई गल्फ लुब्रिकेन्टका प्रदेश १ डिलर इन्चार्ज सुमन दहाल र विराटनगरका डिलर संचालक एव् जेवी इन्टरप्राइजेजका प्रोपाइटर रुपेश बरालले सयुक्तरुपमा स्कीमका उपहारहरु वितरण गरेका थिए ।
रुपेश बरालले विगतको ३ वर्षदेखि गल्फ लुब्रिकेन्टको विराटनगर डिलर समाल्दै आएका छन् । शेल्समा उनले छोेटो समयमा नै विराटनगर र आसपासका गाँउ सहरमा मजबुद पकड बनाईसकेका छन् ।
