काेरोना सहयोग कोषमा उद्योगी राउतद्धारा ११ लाख सहयोग

विराटनगर, चैत्र ११
विराटनगरका उद्योगी राजेन्द्र राउतले प्रदेश सरकारको कोरोना सहयोग कोषमा नगद ११ लाख रुपैयाँ सहयोग गरेका छन् । सम्भावित जोखिमबाट बच्न प्रदेश नं १ को सरकारले बनाएको कोषमा राउतले सोमबार उक्त रकम जम्मा गरेका हुन् । राउत नेपाल उद्योग वाणिज्य महासंघ प्रदेश १ का वरिष्ठ उपाध्यक्ष समेत हुन् ।
यसैबीच राउतले नेपाल उद्योग वाणिज्य संघ प्रदेश १ मा आबद्ध विभिन्न ३६ नगर जिल्ला उद्योग वाणिज्य संघमध्ये २३ वटालाई पाँच सय थान मास्क र पाँच लिटर सेनिटाइजरसमेत सहयोग गरेका छन् ।