विराटनगर, जेठ २७
प्रदेश १को संसदभवनबाट दिनदिनै संसदीय मर्यादा उल्घंनसँग जोडिएका घटनाहरु बाहिर आउन थालेका छन् । केही घटनाहरु सांसद आफैले घटाएका छन् भने केही घटनाहरु रहस्यमय छन् । जेठ २५ गते नेकपाका प्रदेश सासंद सर्वध्वज साँवाले प्रदेश सरकारको निति तथा कार्यक्रम उत्कृष्ट भएको भन्दै संसदमै “फ्लाईङ किस” दिएका थिए । संसाद साँवाको उक्त हर्कतले संसदीय मर्यादा नाघेको भन्दै अहिले समाजिक संजालमा आलोचोला भईरहेको छ । कतिपय प्रदेशका सांसदहरुले समेत साँवाको उक्त कार्यले सदनको मर्यादा नाघेको टिप्पणी गरेका छन् । तर “फ्लाईङ किस” दिदा संसदीय मर्यादा उल्घंन हुने वा नहुने भन्ने बारे प्रदेशसभा संचालन नियमावलिले स्पष्टसँग बोलेको छैन् ।
सभामा भेटियो लावारिस गुट्का (भिडियो सहित)
जेठ १४ गते, प्रदेशसभाको बैठक चलिरहेको बेला सभाहलकै भुँईमा गुट्काको प्याकेट देखापरेको थियो । प्रदेश १को सदन व्यवस्थापनले उक्त बैठक युटुवमार्फत लाईभ प्रसारण समेत गरेको थियो ।
गुट्का कसले ल्यायो र कसरी त्यहाँ आईपुग्यो भिडियोमा देखिएको छैन् । तर कसैको गोजीबाट उक्त गुट्का खसेको हुनसक्ने अनुमान गरिदै आएको छ । भिडियोमा उक्त गुट्खाको प्याकेट सांसद ज्ञानेश्वर राजवंशी कुर्सी छेउमा देखिएको थियो ।
चलिरहेकै बठैकभित्रै त्यसरी लवारीस अवस्थामा गुट्खा फेला परेपछि, अहिले सदनभित्र पालना गर्नुपर्ने मर्यादाबारे गम्भीर प्रश्न उठेको छ ।
