विराटनगर, असार ४
मोरङ सुनसरी कोरीडोरका उद्योगी तथा व्यवसायीहरुले बैंकहरुले मानोमानी ढंगले पैशा असुल गरको आरोप लगाएका छन् ।
बिहिवार उद्योग संगठन मोरङ, मोरङ व्यापार संघ र विराट व्यापार संघको संयुक्त बैठकले बैंकको उक्त कदमको प्रतिकार गर्ने समेत आपसी समझदारी गरेका छन् ।
बैठकपछि संयुक्त विज्ञप्ति जारी गर्दै कोभिड १९ का कारण धरासयी भएका उद्योग, व्यवसायीको पुनरुत्थानका लागि दुई प्रतिशत छुटको व्यवस्थाको कार्यान्वयन नभएको गुनासो गरेका छन् । नेपाल सरकार तथा नेपाल राष्ट्र बैंकबाट कर्जा भुक्तानीका लागि समय दिए पनि बैंक तथा वित्तीय संस्थाले कर्जा असुलीलाई कडाइ गरेकामा समेत उद्योगी व्यावसायीहरुले गुनासो गरेका छन् ।
त्यस्तै, बैंकले उद्योगी व्यवसायीहरूको खाताबाट विना जानकारी रकम स्वतः काटेको, २ प्रतिशत ब्याज छुटको व्यवस्था कार्यान्वयन नगरेको, कर्जा नवीकरण शुल्क मनोमानी रुपमा लिइएकोमा उद्योगी व्यवसायीहरुले आपत्ती जनाएका छन् ।
बैंकले सरकारको निर्देशन समेत पालना नगरिरहेको भन्दै बैकिङ गतिविधिमा निगरानी बढाउन सरकारलाई उद्योगी व्यावसायीहरुले आग्रह समेत गरेका छन् । त्यस्तै लकडाउन पुर्णरुपमा खुलेको तिन मिहना पछि मात्र कर्जा, कर तथा राजस्व उठाउन अनुरोध गरेका छन् ।
