विराटनगर, असोज ६
भारतबाट प्रति केजी २० रुपैयाँले आयात भएको प्याज नेपाली बजारमा १ सय रुपैयाँभन्दा बढीले बिक्रि भईरहेको खुलासा भएको छ । सरकारका नियामक संयन्त्रहरुले विराटनगरका थोक तरकारी बजारमा छापा मार्दा व्यापारीहरुले प्याजमा गरेको कलोबजारीको बारे खुलासा भएको हो ।
प्याजको कलोबजारी गरेको भन्दै विराटनगरका दुई व्यापारीलाई प्रहरी शुक्रबारनै स–प्रमाण पक्राउ समेत गरिसकेको छ । पक्राउ पर्नेमा विराटनगरको गद्री बजारमा थोक व्यापार गर्दै आएको व्यापारीद्धाय मुकेशकुमार सहनी र सञ्जयकुमार गुप्ता रहेका छन् ।
छानविनका क्रमामा उनीहरुले भारतवाट प्रति केजी ने.रु २२ रुपैयाँमा प्याज ल्याएर नेपाली थोकबजारमा १ सय रुपैयाँभन्दा बढीले बिक्रि वितरण गरेको पाईएको छ ।
पक्राउ परेका दुवै व्यारीलाई आइतबारनै मुद्दा चलाई सेको छ । दुबैलाई कालो बजार तथा सामाजिक अपराध सजाय ऐन २०३२ अनुसार प्रहरीले मुद्दा दर्ता गराएको छ ।
