उल्लाबारी, कार्तिक २९
नेपाल बैंक लिमिटेड स्थापना भएको कार्तिक ३० गते ८४ वर्ष पुग्दैछ । कार्तिक ३० गते सार्वजनिक विदा पर्ने भएकाले नेपाल बैंकका विभन्न शाखाहरुले वार्षिक उत्सवको पुर्वसन्दयामा विभिन्न कार्यक्रमको अयोजना गरी वार्षिक उत्सव मनाएका छन् ।
सो अवसरमा शुक्रबार बैंकको मोरङ जिल्ला, उल्लाबारी शाखाले आफनो सेवाग्राहीसँग अन्तरक्रिया गरेको छ । अन्तरक्रियाको क्रममा सेवाग्राहीहरुले आफुहरु बैंकको सेवाबाट सन्तुष्ट रहेको प्रतिक्रिया दिएका छन् । कार्यक्रममा सहभागी अधिकांस सेवाग्राहीहरुले उल्लाबारी शाखाले दिदै आएको सेवा उत्कृष्ट रहेको भन्दै बैंकको कर्मचारीको मुक्तकण्ठले प्रंशसा गरेका थिए । कार्यक्रमा उपस्थित स्थानीय सेवाग्राही शेरबहादुर भण्डारी र सभ्झना खतिवडाले बैंकको क्रमचारीको व्यवहार अत्यन्तै मिजासिलो रहेको प्रतिक्रिया दिएका थिए ।
त्यस्तै कार्यक्रममा बोल्दै बैकंका शाखा प्रबन्धक खेमराज उपाध्यायले बजार सुहाउदो र माग अनुसार बैकको सेवाहरु उल्लाबारी शाखाले प्रधान गर्दै आएको जानकारी गराए । नेपाल बैंक ब्याजदरको ममलामा समेत गाह्रक रिजाउन सफल रहेको प्रबन्धक उपाध्यायले मन्त्वयको क्रममा केही तथ्याङक समेत प्रस्तुत गरे ।
