काठमाडौं, वैशाख १२
नेपालमा बनेका दुई विद्युतीय (इलेक्ट्रीक) बाईक सार्वजनिक भएको छ ।
बाईक निर्माता कम्पनी यात्री मोटरसाईकलले दुई भेरियन्टका इलेक्ट्रीक बाईकहरु नेपाली बजारमा सार्वजनिक गरेको हो । सो कम्पनीले यात्री पी जिरो ( प्राजेक्ट जिरो ) र पी वान् (प्रोजेक्ट वान्) भेरियन्टका बाईकहरु शुक्रबार सार्वजनिक गरेको छ ।
पी जिरो माटरसाइकलले केवल २.५ सेकेन्डमा नै शुन्यदेखि ६० किलोमिटरको स्पीड भेटाउन सक्ने कम्पनीले जनाएको छ । १४० किलोमिटर प्रतिघन्टाको गतिमा दगुर्न सक्ने पी जिरोको क्षमता रहेको छ । यसको इलेक्ट्रिक मोटर ६४ एचपीको भएको कम्पनीले जनाएको छ । पी जिरो मोटरसाइकलमा ८ किलोवाट क्षमताको लिथियम आयोन व्याट्री प्रयोग गरिएको छ । जसलाई दुई घन्टामा फुल चार्ज गर्न सकिनेछ । पी जिरोले सिंगल चार्जमा २३० किलोमिटर यात्रा गर्न सक्दछ । यात्री पि जिरोको मूल्य १९ लाख ४९ हजार रुपैयाँ तोकिएको छ ।
त्यस्तै आर्को भेरियन्ट यात्री पि वानको टप स्पीड क्षमता १०० किलोमिटर प्रतिघन्टा रहेको छ । पी वानमा १७ इन्चको टायर प्रयोग गरिएको छ । यसले सिंगल चार्जमा ११० किलोमिटर माइलेज दिने बताईएको छ । यात्री पी वान बाईकको मूल्य ४ लाख ९५ हजार रुपैयाँ तोकिएको छ ।
