विराटनगर, पुष १८
करेन्ट चाउचाउको कार्टुनभित्र ५०लाख रुपैयाँ लुकाईछिपाई गरि विराटनगरबाट काठमाडौं पु¥याउने कार्यमा संलग्न एक महिलालाई प्रहरीले पक्राउ गरेको छ ।
शनिबार दिउँसो विराटनगरबाट काठमाडों आएको एक जहाजमा उक्त स्रोत नखुलेको रकमसहित ति महिला प्रकाउ परेकी हुन् । पक्राउ परेकी महिला सौर्य एयरलाईन्सकी कर्मचारी रेखा शाक्य पोखरेल रहेको बुझिएको छ । उनी एयरलाइन्सको असिस्टेन्टको रुपमा कार्यरत रहेकी छिन् ।
प्रहरीले पाएको गोप्य सूचनाको अधारमा शनिवार दिउसो विराटनगरबाट त्रिभुवन विभानस्थल काठमाडौं ओर्लिएकी शक्याको रातो रंगको ब्याग चेकजाँच गर्दा उक्त ब्याग भित्र लुकाई छिपाई राखेको नगद बरामद भएको थियो ।
झोलाभित्र करेन्ट चाउचाउ लेखिएको कार्टुनभित्रको सो रकम भन्सार उद्घोष भएको नपाइएको प्रहरीको भनाइ छ । पक्राउ परेकी शाक्यलाई आवश्यक अनुसन्धान एवं कारबाहीको लागि राजश्व अनुसन्धान विभाग, हरिहर भवन पठाइएका छ ।
प्रहरीले हालसम्म शुराकको रुपमा करेन्ट चाउचाउको कार्टुन मात्र फेला पारेको छ । पुर्वक्षेत्रमा राम्रो बजारपकड बनाएको करेन्ट चाउचाउ र उक्त स्रोेत नखुलेको रकमको बिच कुनै कनेक्सन छ वा छैन भन्ने विषयमा थप अनुसन्धान हुन बाँकी छ ।
