काठमाडौं, श्रावण २९
फेसबुकले आफ्नो मूख्य एप डार्क मोड फिचर ल्याउने सकेंत देखिएको छ । सुचनाप्रविधिमा कायरत्त केही शोधकर्ताहरुले उक्त विषयको खुलासा गरेका हुन् । डार्क मोडमा प्रयोग हुने कोडहरु फसेबुकमा प्रयोग भएको शोधकर्ताहरुले भेट्टाएपछि उक्त विषयको खुलासा हुन पुगेको हो ।
शोधकर्ता जेन मान्चुन वोंगले यस विषयमा ट्वीट गर्दै यो फिचरको स्क्रिनशट पनि शेयर गरेकी छिन् । उक्त स्क्रिनशटमा फेसबुकको मूख्य एपमा डार्क मोड फिचर जस्तो देखिएको छ ।
फेसबुक कम्पनीले भने यस विषयमा आधिकारिक धारणा दिएको छैन् ।
डार्क मोड फिचरले कुनै पनि एप वा सफ्टवेयरको पृष्ठभुमीलाई अध्यारो पार्ने र अक्षरहरुलाई सेतो रंगमा प्रस्तुत गर्ने गर्दछ । उक्त फिचर फेसबुकमा आएको खण्डमा फेसबुकको पृष्ठभुमी कालो र अक्षरहरु सेता हुनेछन् ।
