मंसिर १६, विराटनगर
विराट एक्स्पो २०७९को प्रदर्शनीमा वोर्किङ रोबट समेत राखिने भएको छ । उक्त रोबट मान्छेले दिएको भोकल कमाण्डको आधारमा काम गर्ने बताईएको छ । ईभेन्टका संयोजक भोलेश्वर दुलालले एक्स्पोमा तिन थान त्यस्ता रोबट राखिने जानकारी दिए ।
वोर्किङ रोवोर्टले मान्छेजस्तै सवै खाले श्रम गर्ने भएकाले पछिल्लो समय नेपालमा खड्किएको श्रमिकको समस्या प्रविधिबाटै हल गर्न सकिने दुलालको भनाई छ । “हामी एक्स्पोमा तिन वटा रोबट ईन्टरडुस गर्न गईरहेका छौं । मान्छेले दिएकाे निर्देशन अनुसार ति राेबटहरुले काम गर्नेछन्।” दुलालले भने “हामीले उद्योगक्षेत्रमा रोबटको भविष्य छ भनेर देखाउन खोजेका हौं, एक्स्पो लगतै राेबटहरुले उद्योगमा गएर काम गर्नेछन् भन्ने आश्वासन दिन खोजेको होईनौं ।”
एक्स्पोमा आउने अवलोकनकर्तालाई रोवर्टसँग साक्षात्कार गराउने तयारीमा समेत आयोजक टोली जुटेको छ । एक्स्पोमा आउने अवोलोकनकर्ताले रोबटसँग प्रत्यक्ष संबाद गर्न सक्ने बताईएको छ । प्रदर्शनीमा राखिने तिन वटै रोवर्टहरु नेपालमकै ईन्जियर तथा डिजाईनरले बनाएको आयोजकले जानकारी दिएको छ ।
विराट एक्स्पो यही मंसिर २९ गते देखि पुष ६ गतेसम्म विराटनगर–१४ स्थित डिग्री क्याम्पस (पुरानो हवाई फिल्ड)मा आयोजना हुन गईरहेको छ । यो विराट एक्स्पोको सातौं संस्करण हो । यस अघिको कुनैपनि संस्करणमा रोबट प्रदर्शनीमा राखिएको थिएन ।
