विराटनगर, पुष १३
निरज बस्नेत
याक चुरोट , यो चुरोट जनकपुर चुरोट कारखानाको उत्पादन रहेको थियो । जसको पूर्ण स्वामित्व तत्कालीन श्री ५ को सरकार अन्तर्गत रहेको थियो । यो फिल्टर चुरोट मध्येको त्यतिवेलाको ब्राण्डेड चुरोट थियाे । याक चुराेट उच्चतम भर्जिनिया सूर्तिवाट बनेको थियो । प्रति प्याकेट २० खिल्ली हुन्थ्यो । त्योवेला अक्सर धेरैले यो चुरोटको सेवन गर्दथे ।
उ जमानाका एक व्यक्तित्व जनकपुरका इन्द्र कर्ण अहिले याक चुरोट पिएको स्मरण गर्छन् । कर्ण उ बेलाको घटना सम्झिन्छन् र भन्छन् ‘बाफरे सडक छेउमा उभिएर याक चुरोट पिउँदा विछ्छटै मज्जा आउथ्यो । चुरोट सेवन स्वास्थ्यको लागि पूर्णतया हानिकारक रहेको भएतापनि मन देखी खाइन्थ्यो हौ ।’ याकको जतिको ज्यादा लोकप्रिय नभएतापनि गैंडा एवं देउराली चुरोट पनि लोकप्रिय नै मानिन्थ्यो ।
पूजा सावुन तत्कालीन समयमा बहुदै चल्तीको कपडा धुने सावुन थियो । यो लुगा धुने सावुन प्रायः गृहिणीको रोजाइमा परेको थियो ।
सलाईमा सूर्य मैन सलाइ व्यवसायिक हिसावले उँचाई छोएको थियाे त्यो बेला । महेन्द्रपुल पोखरामा यो सलाइको फ्याक्ट्री अवस्थित थियो ।
मायालु नुहाउने सावुन जसको प्याकेटमा हिन्दि धार्मिक धारावाहीक महाभारतकी प्रमुख पात्रमध्येको एक द्रोपदीको तस्विर अंकित राखिएको थियो, यो सावुनले राम्रो मार्केट जमाएकाे थियो । यो सौन्दर्य सावुनको नामले पनि प्रख्यात थियो । अन्नपूर्ण सोप विराटनगरद्वारा उत्पादित क्याप्टेन र किसान सावुन पनि चल्तीमा रहेकाे थियाे ।
त्यसैगरी नेपालमा बनेको ल्याक्टो फन चकलेट एवं खुल्ला सुन्तला फ्लेवरको चकलेटले बच्चा, जवान, बूढा सवैको मन जितेको थियो ।
स्टार, च्यालेन्जर एवं सानमिगेल त्यती वेलाका लाेकप्रिय वियर थिए ।
त्याेबेला पशुपति निटीङ इन्डष्ट्रिजद्वारा उत्पादीत टाइटक्स सेण्डो र अण्डरवेयर लगाएर अधिकासं हिड्दथे । टाइटक्स विराटनगरबाट उत्पादन हुने गर्थियाे । पाहुर विस्कुट त्यतिवेलाकाे चियामा चाेपेर खाने लाेकप्रिय बस्कुट थियाे ।
