निरज बस्नेत
उर्लावारी, माघ ८
मोरङको दोस्रो ठूलो महत्वपूर्ण शहर उर्लावारीमा प्रादेशिक महोत्सव लाग्ने भएको कुरा उर्लावारी उद्योग वाणिज्य संघका अध्यक्ष शेर बहादुर भण्डारीले जानकारी गराएका छन् । अध्यक्ष भण्डारीका अनुसार यही माघ २१ गतेदेखी २८ गतेसम्म महोत्सव लाग्ने छ ।
यता महोत्सव समितिका संयोजक भरत भट्टराईका अनुसार महोत्सव कृषि तथा पर्यटन क्षेत्रलाई प्रवद्र्दनका खातिर लाग्नेछ । ९ दिनसम्म चल्ने महोत्सवमा राष्ट्रिय कलाकारको साथमा स्थानीय कलाकारले समेत आफ्नो प्रस्तुती दिने छन् ।
उर्लावारीमा हुने यो महोत्सव प्रादेशिकस्तरको हुनेछ । महोत्सवमा १७० बढी स्टल रहने छ । महोत्सवमा नेपाल, भारत, बंगलादेश, पाकिस्तानका व्यापारिक स्टलहरु रहनेछन् ।
स्टल बुकिङको काम धमाधम चलिरहेको छ । महोत्सवलाई भव्य–सव्य बनाउँन संयोजक भट्टराई अहोरात्र खटिरहेका छन् । सवैको सामूहिक मिहिनेतमा महोत्सव सफल हुने कुरामा आयोजक समिति ढुक्क छ ।
