निरज बस्नेत
रंगेली, माघ १४
विराटनगरबाट २३ किमी पूर्वमा अवस्थित संसारीमाइस्थान मन्दिरमा शनिवारको दिनमा भक्तजनहरुको थेगिनसक्नुको भीड लाग्ने गर्दछ । आज यहाँस्थित मन्दिरमा बोका बली दिनेहरुको ज्यादै नै भीडभाड दृश्य देखियो ।
कटहरी आदर्शनगरका स्थानीय अमरेन राजवंशी बहिनी अनिताको भाकलका लागि सानो १२ केजीको बोका लिई सखारै सपरिवार मन्दिर गएँ । राजवंशीका अनुसार चित्ताएको कुरा पुग्ने यो मन्दिरमा आफ्नो बहिनीको भाकल पूर्ण भएकोमा आज बोका बली दिइ यहाँ आएको बताएँ ।
यहाँ न्यून केही शूल्क मन्दिरमा बुझाई बोका बली दिन पाइन्छ । बली दिएको बोकाको मासुलाई मर–मसला हाली पकाएर प्रसादको रुपमा ग्रहण गरिन्छ । यसमा आफ्नो परिवार लगायत साथीभाईलाई समेत बोलाई हार्दिकतापूर्वक तरिकाले प्रसाद खुवाइन्छ । यस मानेमा यो संसारी मन्दिरमा एक किसिमको अदृश्य दैवी शक्ति भएको यहाँका पुजारी बताउँछन् ।
ठूलो क्षेत्रफल ओगटेको यस मन्दिरमा बली पश्चात् पकाइने ठाउँ व्यस्थित बनाइदै लगिएको छ । यहाँको मन्दिर व्यवस्थापनका अनुसार अझै यहाँ आउँने भक्तजनलाई ध्यानमा राखी धेरै कुरा निर्माणको क्रममा रहेको समेत बताएँ ।
रंगेली नगरपालिकाका मेयर दिलिप बगडीयाको यसमा गहिरो लगाव रहेकै कारण कतिपय कन्स्ट्रक्सनका कामहरु चाडै सम्पन्न भएको देखिन्छ ।
सातामा शनिवार ज्यादा भीड हुने भएतापनि मंगलवार पनि यहाँ भीड नै हुने गरेको स्थानीय बताउँछन् । अन्य वारमा हल्का रुपमा दर्शनार्थीहरु आउँने गरेका छन् ।
