निरज बस्नेत
उर्लावारी, माघ १९
उर्लावारीको शान–उर्लावारी महोत्सवको उद्घाटन शनिवार प्रदेश नं. १ का मुख्यमन्त्री हिक्मत कुमार कार्कीले विहान ११ बजे गर्ने कार्यक्रम रहेको महोत्सव संयोजक भरत भट्टराइले जानकारी गराएका छन् ।
प्रादेशिक महोत्सव नाम दिइएको यो महोत्सव यही माघ २१ गते देखी शुरु भएर माघ २९ गतेसम्म लाग्ने छ । महोत्सवमा लगभग १७० हाराहारीमा स्टलहरु रहने कुराको जानकारी उर्लावारी उद्योग वाणिज्य संघका अध्यक्ष शेर बहादुर भण्डारीले बताएँ ।
महोत्सवमा नेपाल लगायत छिमेकी राष्ट्र भारत, पाकिस्तान, बंगलादेश लगायतकाको समेत सहभागिता रहने जनाइएको छ । उर्लावारी नगरपालिका–४ आइतवारे पूर्वपट्टिीको खाली चौरमा महोत्सव हुने कुराको जानकारी महोत्सव सह–संयोजक प्रितम खड्गीले बताएका छन् । २ लाख बढीले महोत्सव अवलोकन गर्ने आयोजकको पूर्वानुमान छ ।
महोत्सवले आन्तरिक पर्यटनलाई प्रत्यक्ष रुपमा टेवा त पुर्याउँछ । साथै कुषि तथा पर्यटनको क्षेत्रमा समग्रमा एककदम अगाडी बढेर थप प्रवद्र्दन गर्ने कुरा उर्लावारी उद्योग वाणिज्य संघका महासचिव हेमराज गुरुङको दावी रहेको छ । महोत्सवमा बाल उद्यान, मनोरन्जनका लागि सांस्कृतिक कार्यक्रम, खेल तमासा समेत रहनेछन् ।
