निरज बस्नेत
काठमाडौं, माघ २२
मेडिकल व्यवसायी दुर्गा प्रसाइँ आजभोली निकै आक्रमक अभिव्यक्तिका कारण निकै नै चर्चामा छन् । विर्तामोडको विएण्डसी अस्पतालका संचालक समेत रहेका प्रसाइँ बैंकप्रति निकै नै रुष्ट बनेका छन् । बैंकका टाई लाउने गुण्डालाई जहाँ भेट्यो त्यहीँ कालोमोसो दल्ने उद्घोष नै गरेका छन् ।
उनले भनेका छन् , देश लुट्ने सवैभन्दा ठूलो लुटेरा बैंकहरु नै हुन् । लकडाउनको समयको प्रसंग निकाल्दै प्रसाइँ भन्छन् , नेपालमा त्यो कठिन समयमा सवै चीज डुव्ने अनि बैंकहरु चाहीँ खुद नाफामा जाने, यहीँ पाराले नेपाली जनतालाई भिखारी बनाउने बैंकहरु नै भएको प्रसाइँको दावी छ ।
यतिमा मात्र यिनी सिमित भएका छैनन् । नाम नै तोकेर नेपालका यी यी बैंकहरु लुटेरा हो समेत भनेका छन् । एनआइसी एशिया बैंक, कुमारी बैंक, प्रभु बैंक, नेविल बैंक, लगायतका बैंकहरु खालि नेपाली जनता लुट्ने अनि कमाएको पैसा विदेशमा थन्काउने भनी गंभीर आरोप बैंकहरु माथि थोपरेका छन् ।
विनोद चौंधरीले केही समय अगाडी श्रीलंकामा समेत बैंक खोलेको र यता नेविल बैंकबाट कमाएको पैसा उतैको बैंकमा जम्मा गरेको समेत प्रमाण आफूसँग भएको प्रसाइँ बताउँछन् । नेपालका प्रायः बैंकहरु ठग भएको उनी तर्क दिदै भन्छन् ।
यिनी सम्मिलित एक कार्यक्रममा एक महिलाले एनआइसि बैंकले आफूलाई गुमराहमा पार्दे लुटेको बताइन् । ती महिला आफ्नो लोग्नेलाई बैंककै कारण हर्टअट्याक आएर मरेको पनि जनाइन् । २ करोडको भ्यालुएसन गर्छ र १ करोड लोन दिन्छ । र, अलिकता किस्ता ढिलो हुनासाथ मर्नु न मार्नुको पार्छ भन्दै प्रसाइँको सामुन्नेमा दुःखेसो पोखिन् । पीडित ती महिलालाई ढाडस दिदै प्रसाइँ भन्छन् चिन्ता नगर्नुस् तपाइँलाई हामी न्याय दिलाउँछौ ।
अभियन्ता समेतको छवि बनाएका प्रसाइँले राष्ट्र, राष्ट्रियता, धर्म र संस्कृतिको जगेर्ना गर्दे मुलुकलाई सही ट्रयाकमा ल्याई छाड्ने समेत प्रतिवद्दता गरेका छन् । यसैको शुरुवातको विगुल यिनकै अगुवाइमा मेची पुलवाट यही फागुन १ बाट हुदैछ । यस सशक्त कार्यक्रममा उनले सवै देशभक्त नेपालीलाई आउँन आव्हान गरेका छन् ।
