निरज बस्नेत
विराटनगर, फागुन ६
भगवान् शिवको पूजाआजा भक्तिपूर्वक गरिदैं महाशिवरात्री देशभर मनाइदै छ । देवताको पनि देवता शिवको विशेष पूजाआजा निष्ठापुर्वक गर्दा मनले चित्ताएको पुग्ने जनविश्वास रहदैं आएको पाइन्छ ।
हिन्दू धर्मका सवभन्दा ठूला देवताको रुपमा पूजिदै शिवको आज मनदेखि पूजापाठ गरिने प्रचलन छ । घरमै पूजा गरी नजिकको शिवालयमा गएर स–परिवार पूजा गर्ने राम्रो प्रचलन हामीमा छ । कसैकसैले टाढा–टाढा रहेको शिवको मन्दिरमा समेत गएर पूजा गर्ने गर्दछन् ।
विराटनगरकी रोशनी रुचालले एकाविहानै देवकोटा चोकको वनसखण्डी मन्दिरमा गएर पूजा गरेको बताइन् । आज रुचालले फास्टिङ राखेकी छिन् ।
इटहरी तरहराकी माया गुरुङले भक्तिपूर्वक धरानको पिण्डेश्वर मन्दिरमा गई पूजाआजा गरीन् । साथै मायाले मन्दिर प्रांगणमा टिकटक पनि बनाएको बताइन् । धरानकै दिपीका गौंतमले पनि धरानमै रहेको पिण्डेश्वरमा पूजा गरिन् ।
धनकुटाकी अनु राइले भेडेटारमा आएर विकेण्ड मनाइरहेको जनाइन् । सर्वप्रथम उनी यहाँस्थित पाथिभरा मन्दिर गएको र त्यसपछि अन्य रमाइलोमा समय व्यति गर्दे गरेको बताइन् ।
यी त प्रतिनिधि केही पात्र हुन् । वास्तवमै संस्कृतिमा धनी हामी रमाइलो गर्नमा कुनै कसर बाँकी राख्दैनौ । अझ हिन्दु धर्म मान्नेको संख्या नेपालमा धेरै नै भएको कारण पनि हुनसक्छ हामी नेपाली शिवरात्रीलाई विशेष महत्व दिदै रमाउने गछौं ।
देशभरका शिवालय यत्तिवेला भक्तजनको भीडले खचाखच छ । भक्तिपूर्वक प्रार्थना गर्दे विशेष पूजाआजा गर्नेको आज सखारैदेखी बाक्लै भीडभाड विभिन्न शक्तिपीठहरुमा देखिएको छ ।
