विराटनगर, चैत १९। विराटनगर साझा प्रयास नेपालको आयोजनामा विराटनगरमा औद्योगिक तथा व्यापार मेला हुने भएको छ । स्वरोजगार आत्मर्निभरता हाम्रो आधार, शहरदेखि गाउंसम्म व्यापार विस्तार भन्ने मुल नाराका साथ औद्योगिक तथा व्यापार मेला महोत्सव एवम प्रर्दशनी आयोजना हुन लागेको हो । औद्योगिक तथा व्यापार मेला महोत्सव एवम प्रर्दशनी चैत्र २५ गतेदेखि बैशाख १० गतेसम्म सञ्चालन हुने आयोजक संस्था साझा प्रयास नेपालले आईतबार विराटनगरमा पत्रकार सम्मेलन गरी जानकारी गराएको छ ।
साे मेला विराटनगरको आयल निगम पश्चिम पट्टीको खाली जग्गामा सञ्चालन गरिने आयाेजककाे तयारी छ । आयोजक सस्था प्रयास नेपालकी अध्यक्ष आशा खड्काले मेला आयोजनाले आर्थिक गतिविधि चलायमान बनाउने र याे मन्दीकाे बेला व्यवसायलाई तङग्रीन मद्दत पुर्याउने बताईन । प्रदर्शनी स्थलमा फरक शैलीबाट नयां पनका साथ एक्स्पो सञ्चालन गरिने अध्यक्ष खडकाको दावी छ । अध्यक्ष खड्का अनुसार मेलामा ३ लाख बढीले अवलोकन गर्ने र ६९ लाख बढीको आर्थिक कारोवार हुने अपेक्षा गरिएको छ ।
मेलामा दैनिक उपभोग्य वस्तु तथा सेवा, साना तथा घरेलु उत्पादनको प्रर्दशन, हस्तकला, कृषि उत्पादन, अटोमोबाइल्स, इलेक्ट्रोनिक्स तथा इलेक्ट्रिकल्स, होटल, सूचना प्रविधि लगायतका ८० बढी स्टल रहने छन् । आजसम्म ६० स्टल दर्ता भएको भईसकेकाे आयाेजकले जानकारी दिएका छन् । आयोजक सस्थाकी सचिव इन्दिरा दाहाल खड्काले प्रदर्शनी स्थलमा मेलाको आवश्यक तयारीका काम अन्तर्गत स्टल दर्ता तथा स्टल निमार्णको काम भैरहेको जानकारी दिइन् ।
मेलामा स्थानिय तथा राष्ट्रिय कलाकारहरुकाे प्रस्तुति समेत राखिएकाे आयोजक सस्थाले बताएको छ ।
