विराटनगर, ७, बैशाख , २०८१
हर्टअट्याक अर्थात ह्दयघात अकस्मात हुने मुटु रोग हो । यसको लक्षण पनि अचानक शुरु हुनेगर्दछ । डाक्टरहरुका अनुसार , ह्दयघात छातीको बीच भागमा वा बायाँतिर दुख्ने वा पोलेको जस्तो अनुभव हुने , छातीमा दवाव भएको महसुस हुने , छाती हल्का दुखिरहने यी लगायत लक्षणहरु हुन्छन् ।
पसिना आउने, वाकवाकी लाग्ने , डर लाग्ने , छटपटी हुने , मुटु छिटोछिटो ढुकढुक गर्ने , रिंगटा लाग्ने भएमा हर्टअट्याकको चान्स अत्यधिक हुने गर्दछ । हर्टअट्याक हुने कारणहरुमा , उच्च कोलेस्टेरोल , धुम्रपान , उच्च रक्तचाप , मधुमेह , मोटोपना , वंशाणुगत , अत्यधिक मदिरा सेवन , मानसिक तनाव , लगायतनै मुख्य हुन् । ह्दयघात जति डेन्जर हो ।
त्यतिनै यसवाट जोगिन पनि सकिन्छ । जसका लागि केहीकुरामा ध्यान दिनुपर्ने हुन्छ । शरीरको तौल नियन्त्रण गर्ने ,नूनको प्रयोग कम गर्ने ,खानामा माछालाइ प्राथमिकतामा राख्ने , तनाव नियन्त्रण गर्ने ,दैनिक व्यायाम गर्ने , हरियो सागसब्जी प्रत्येक दिन नछुटाउने , कार्वोहाइड्रेडको सेवनलाई कम गर्ने , शाकाहारी खानामा जोड दिने , लगायतका कुरामा सामान्यतया विचार गर्दापनि ह्दयघातबाट जोगिन सकिन्छ ।
