विराटनगर, वैशाख १२ । विराटनगरको ‘दर्शन नेपाल नि:शुल्क अभियान’ले सडकमा रहेकाे खाल्डाेखुल्डी पुर्ने अभियानकाे थालनी गरेकाे छ । विगतकाे केहि वर्षदेखि निरन्तर समाजिक कार्यमा जुटेकाे साे अभियानले मंगलबार विराटनगरकाे विभिन्न सडकहरुमा रहेकाे खाल्डाेखुल्डीलाई पुरेकाे छ ।
साे अभियानकाे शुरुवात महेन्द्र माेरङ्ग क्याम्पसकाे मुख्यद्वारा अगाडि रहेकाे सडक खाल्डाेलाई पुरेर गरिएकाे छ । खाल्डाे पुर्ने अभियान अझ केहि दिनसम्म जारी रहने अभियानका अध्यक्ष दिपक ढकालले बताए । ढकाल भन्छन् “विराटनगरमा कता कता खाल्डाे छ, खाेज्दै जाने र पुर्दै जाने हाे । सकेसम्म सबै खाल्डाे पुरेर मात्र अर्काे कार्यतर्फ लाग्ने हाम्राे याेजना छ ।”
अभियानले खाल्डाेमा गिट्टी, बालुवा र सिमेन्टकाे मिश्रण हालेर सडक मर्मत गरिरहेकाे छ । साे सडक निर्माणकाे लागी अभियानका सबै सदस्यले निरन्तर श्रमदान समेत दिईरहेका छन् । यस अभियानका अध्यक्ष दिपक ढकाल, सचिब रबि ठकुरि, सदस्यहरु सीता बस्नेत, गोपाल लिम्बू, शशी दाहाल, भावना, सुनिता, मिरा दाहाल, योगेश भण्डारी, इन्दिरा पराजुली, फिरोज आलम रहेका छन् ।
दर्शन नेपाल नि:शुल्क अभियानले नि:शुल्क शव बहानको व्यवस्था , विरुवा स्याहार कार्यक्रम, नि:शुल्क एम्बुलेन्स सेवा, विद्यार्थीहरुलाई छात्रवृत्ति प्रदान जस्ता सामाजिक कार्यहरु निरन्तर गर्दै आएकाे छ।
