कानेपोखरी, ७ जेष्ठ । आइतबार मोरङको कानेपोखरीमा एकदिने लागू औषधविरुद्धकाे सचेतनामूलक कार्यक्रम सम्पन्न भएको छ। आदर्श समाज कानेपाेखरीद्वारा आयाेजित साे सचेतामूलक कार्यक्रममा कक्षा ९ र १० का दुई सयबढी विद्यार्थीलाई प्रशिक्षण दिईएकाे छ । जनसेवा माध्यमिक विद्यालयको सभाहलमा आयाेजित कार्यक्रममा आस्रा सुधारकेन्द्र धरानका प्रमुख प्रशिक्षक टिकाराम सिग्देल र रमाइलो चौकीका कार्यालय प्रमुख नारायण प्रसाद भट्टराईले विद्यार्थीहरुलाई लागू औषधकाे असर र यसबाट जाेगिने उपायहरुबारे प्रशिक्षण गराएका थिए।
कार्यक्रमका प्रमुख अतिथी कानेपोखरी गाउँपालिकाका उपाध्यक्ष भोला प्रसाद अधिकारीले लागू औषध न्यूनीकरणको लागी थप सचेतना मुलक कार्यक्रमहरु संचालन गर्न गाँउपालिकले मद्दत गर्ने बताए । कार्यक्रममा विशिष्ट अतिथी जिल्ला प्रहरी कार्यालय मोरङका एसपी नवराज कार्कीले लागू औषधलाई न्यूनीकरण गर्नको लागि मोरङ प्रहरीले सामुदायिक प्रहरीमार्फत कार्यक्रमहरु गरिरहेको जानकारी गराए ।
कार्यक्रममा कानेपोखरी गाउँपालिका वडा नम्बर ६ का वडा अध्यक्ष खडग बहादुर बस्नेत ,इलाका प्रहरी पथरीका डिएसपी गणेश बहादुर श्रेष्ठ , कानेपोखरी गाउँपालिका वडा नं ६ वडा अध्यक्ष चरण गुरुङ, कानेपोखरी अस्पतालका स्वास्थ शाखा प्रमुख रोहिन्द्र राज भण्डारी , जनएकता साकोसका अध्यक्ष सन्तोष फुयल , स्वतन्त्र युवा क्लब रमाइलोका अध्यक्ष भविस गुरुङ , जनसेवा माध्यमिक विद्यालयका प्रधानाध्यापक प्रमोद निरौलाको उपस्थिति रहेको थियो ।
