विराटनगर, साउन ७। विराटनगरको (काेबास कलेज छेउ) निल सदनमा नेपाली मौलिक खानाको स्वाद चाख्न चाहनेहरूका लागि नयाँ गन्तव्य थपिएको छ। हालै खुलेको चाम्रे चुकौनी खाजा घरले नेपाली परम्परागत खानालाई प्राथमिकता दिँदै स्थानीय र पर्यटकहरूलाई आकर्षित गरेको छ।
रेस्टुरेन्टका संचालकका अनुसार, विराटनगरमा बढ्दो संख्यामा खुलिरहेका बिरयानी र अन्य आयातित खानाका होटलहरूको बीचमा नेपालकै मौलिक खाजालाई प्रवर्द्धन गर्ने उद्देश्यले यो होटल खोलिएको हो। चाम्रे चुकौनी, जुजु धौं, मटका खीर, योमरी, र बगिया जस्ता नेपाली मौलिक परिकारहरू यहाँ रु. ६० मा उपलब्ध छन्।
व्यवस्थापक रोहन रायमाझीले जानकारी दिए अनुसार, अथेन्टिक चाम्रे चुकौनी र आलुको सेट बनाउनका लागि विशेष तालिम प्राप्त कुक राखिएको छ। उनले सबै नेपाली मौलिक परिकारको स्वाद आधिकारिक रहने दाबी गरेका छन्।
यो शुद्ध शाकाहारी रेस्टुरेन्टको सिट क्षमता हाललाई १५ रहेको छ। आकर्षक इन्टेरियर र फर्निसिङ्ग गरिएको यस रेस्टुरेन्टमा पूर्ण रूपमा एसी जडान गरिएको छ।
नेपाली मौलिक खानाको महत्त्व र स्वादलाई जोगाउँदै, यस रेस्टुरेन्टले बर्गर, पिज्जा, फ्राइड चिकन र बिरयानी जस्ता विदेशी खानाको बढ्दो प्रभावलाई चुनौती दिएको छ। यसले स्थानीय खाद्य संस्कृतिको संरक्षण र प्रवर्द्धनमा महत्त्वपूर्ण भूमिका खेल्ने आशा गरिएको छ।
