विराटनगर, साउन ८ । विराटनगर बरगाछीपुर्व रहेकाे कोशी माेडल कलेज (KMC)ले होटल म्यानेजमेन्टका विद्यार्थीहरूका लागि एक विशेष ओरिएन्टेशन कार्यक्रमको आयोजना गर्ने भएको छ। यो कार्यक्रम कोशी प्रदेशकै सबैभन्दा ठूलो पाँच तारे होटल, झापाको मेची क्राउनमा हुने भएको छ। कलेज प्रशासनका अनुसार, यही साउन १२ गते पहिलो चरणको ओरिएन्टेशन हुनेछ। यस कार्यक्रममा एसईईमा अनुत्तीर्ण भएका तर होटल म्यानेजमेन्ट पढ्न इच्छुक विद्यार्थीहरूले पनि भाग लिन पाउनेछन्।
कलेजका संचालक मनिष सोनीले भविष्यमा नेपालका अन्य ठूला होटल तथा रेस्टुरेन्टहरूसँग समेत सहकार्य गरी शैक्षिक कार्यक्रमहरू अगाडि बढाउने योजना रहेको जानकारी दिए। उनले पढाइको गुणस्तरमा कुनै सम्झौता नगर्ने र पूर्वकै उत्कृष्ट शिक्षकहरूलाई ल्याएर पढाउने बताए। कलेज परिसरमा नै पाँच तारे होटल सरहका चारवटा डिलक्स कोठाहरू र एक किचन निर्माण भइसकेको छ। होटल म्यानेजमेन्टका साथै यस कलेजले बिजनेस म्यानेजमेन्ट र कम्प्युटर म्यानेजमेन्ट पाठ्यक्रमहरू पनि सञ्चालन गरिरहेको छ।
