बिराटनगर, भाद्र २७
बिराटनगरमा भारतको चर्चित ब्राण्ड “लजिज पिज्जा” को ब्रान्च खुलेको छ । बिराटनगरको जलजला चोकस्थित चाइना बजारको विपरितमा रहेको उक्त रेस्टुरेन्ट बुधबारबाट संचालनमा आएको हो । रेस्टुरेन्टमा बिभिन्न भेराईटिजका पिज्जाका साथै अन्य आइटम समेत पाइने संचालक ऋतिक अग्रवालले जानकारी दिए । “लजिज पिज्जा बिराटनगर” भारतिय फ़्रान्चाइज् रहेको उनले बताए ।
उक्त रेष्टुरेन्ट संचालनको लागी भारतमा रहेको लजिजको केन्द्रिय तालिम केन्द्रबाट आफु लगाएत ३ जनाले तालिम लिएको संचालक मध्येकै प्रियंका अग्रवालले जानकारी दिईन् । उनी भन्छिन् “नेपालमा ईटालियन पिज्जा मात्र पाउने गरेको छ, हामीले पहिलो पटक नेपालमा अमेरिकन पिज्जा लिएर आएका छौं ”
रेष्टुरेन्टका आर्का पार्टनर मंयक अग्रवालले दैनिक ५० वटा पिज्जा बिक्रि वितरण गर्ने लक्ष्य रहेको बताए । उनले भने “रेष्टुरेन्टको ओपेनिङमा हामीले सोचको भन्दा बढी मान्छे आए । कल्पना गरेभन्दा बढी ग्राहक आएपछि २ सय ५० वटा पिज्जा विक्रि गरेपछि हामीले रेष्टुरेन्ट नै बन्द गर्नुपर्ने अवस्था आयो”
लजिजको भारतमा मात्र २२६ बटा शाखा रहेछ । नेपालमा भने नेपालगंजपछिको यो दोस्रो साखा हो । लजिज पिज्जा बिराटनगरमा भेज र नन भेज दुवै खाले पिज्जा लगाएत अन्य परिकार उपलब्ध छ । उक्त रेस्टुरेन्टले आर्को महिनावाट होम डीलेभरी समेत गराउने बताईएको छ ।
