०८ फाल्गुण २०८१, बिहिबार
20-02-2025 , Thu
Gold Silver Price (7 Fagun 2081, WED)
Fine Gold 1 Tola NRs. 171000
Silver 1 Tola Nrs. 2000

श्रवण दृष्टिविहिन अपाङ्गताको समस्याबारे छलफल

Logo
जनचर्चा संवाददाता प्रकाशित आइतबार, पुष १४, २०८१

विराटनगर , १४ पुस ।
अपाङ्गताको क्षेत्रमा शैक्षिक लगानी र सीपविकासको अभाव अझै पनि खट्किएको सरोकारवाला व्यक्तिहरुले बताएका छन् । सरकारका पक्षबाट हरेक किसिमका कानुन र अधिकारको व्यवस्था गरी सुनिश्चित गरिएको भन्ने विषयहरु समेत व्यवहारत प्रयोगमा नआएको गुनासो गरिएको छ ।

शुक्रबार राष्ट्रिय बहिरा महासंघ नेपालले विराटनगरमा गरेको कार्यक्रममा बोल्ने अधिकांश वक्ताहरुले यस्तो धारणा व्यक्त गरेका हुन् । कार्यक्रममा बोल्दै राष्ट्रिय बहिरा महासंघ नेपालका परियोजना संयोजक शंकर चैसरले अपाङ्गताको क्षेत्रमा शैक्षिक लगानी र सीपविकासको अभाव भोगिरहेको स्विकार गरे उनले यस्तो समस्या समाधानका लागि तीनै तहका सरकारहरुको सहयोग रहनेमा आशावादी रहेको बताए । उनले श्रवण दृष्टिविहिन अपाङ्गताको विषयमा जानकारी गराउदै बोल्दा सबैले अपाङ्गता मैत्री शब्दको प्रयोग गर्न सुझाए । महासंघले श्रवण दृष्टिविहिन अपाङ्गता भएका व्यक्तिहरुको हक हितको लागि आवाज उठाउदै आएको बताए ।

यस्तै विराट बहिरा माविका प्रधानाध्यापक मिनु अधिकारी दाहालले अपाङ्गता भित्रपनि विविध खाले अपाङ्गताका अवस्था भएको र सोही अनुरुप शिक्षा र सीपको आवश्यकता रहेको औल्याइन् । पढाएर मात्रै नभइ सीप पनि दिएर सक्षम बनाउनुपर्नेमा दाहालले जोड दिइन् । यस क्षेत्रमा राज्यले समेत उचित लगानी गर्न नसकेको भन्दै दुःख व्यक्त गरिन् ।

यस्तै आदर्श माविका सहयाक प्रधानाध्यापक इन्द्र चौहानले अपाङ्गताको क्षेत्रमा जुनरुपमा राज्यवाट सहयोग पाउनुपर्ने हो त्यो नपाएको बताए । उनले दोभाषे शिक्षकको अभाव,अपाङ्गता र यसका आयामहरु बुझेका मानिसहरुलाई काममा टिकाइरहन कठिन हुने गरेको बताए । राज्यका निकायवाट उचित सहयोग पाए अपाङ्गता भएका मानिसहरुलाई सक्षम र सीप हासिल गर्न योग्य बनाउन सकिने बताए ।

यस्तै श्रवण दृष्टिविहिन अपाङ्गताको तर्फबाट बोल्दै कृष्णमाया अधिकारीले श्रवण दृष्टिविहिन अपाङ्गता भएका व्यक्तिहरुका सवालहरुलाई सबै निकायका व्यक्तिहरुले उठाउनु पर्ने बताइन् । अपाङ्गता भएका व्यक्तिहरुका अवरोधहरु पहिचान गरी समस्याहरु समाधान गर्नु पर्ने कुरामा उनले जोड दिइन् । कार्यक्रममा दोभाषे सन्तोषी तिवारीले सांकेतिक वक्तव्य गरेकी थिइन् ।

कमेन्ट गर्नुहोस्
सम्बन्धित

काठमाडौं ,७ फाल्गुन । पूर्वराजा ज्ञानेन्द्र शाहले राष्ट्र जोगाउन, राष्ट्रिय एकता कायम राख्न, देशको समृद्धि र उन्नतिका निमित्त साथ दिन सबै देशवासीहरुलाई आह्वान गरेका छन् । प्रजातन्त्र दिवसको पूर्वसन्ध्यामा एक भिडिओ सन्देश जारी गर्दै पूर्वराजा शाहले भनेका छन्, ‘राष्ट्र रक्षाको निम्ति सबैको अनुशासन र इमान्दार प्रयत्न हुनु पर्दछ । हामीले पहिले पनि राष्ट्रिय समस्या सुल्झियोस भनेर […]

विराटनगर ,६ फाल्गुन ।  कोशी प्रदेशको राजधानी विराटनगरमा आयोजना गर्न लागिएको नवौं संस्करणको विराट गोल्डकप फुटबल प्रतियोगिताको तयारी तीव्र पारिएको छ । प्रतियोगितामा दुई वटा भारतीयसहित १० वटा टिम सहभागी हुने पक्का भएको छ । विराटनगरमा सोमबार पत्रकार सम्मेलनमार्फत भारतका दुई र नेपालका विभागीयसहित आठ वटा गरी प्रतियोगितामा १० वटा टिमको सहभागिता रहने जानकारी दिइयो […]

विराटनगर, ६ फाल्गुन । नेकपा (माओवादी केन्द्र) कोशी प्रदेश समितिले आगामी फागुन १२ गतेदेखि सुरु हुने ‘जनतासँग माओवादी, तराई–मधेश जनजनगरण अभियान’का क्रममा अन्य पार्टीका हजारौं कार्यकर्ता भित्र्याउने दाबी गरेको छ । कोशी प्रदेश परिषद बैठकको निर्णय सार्वजनिक गर्न सोमबार विराटनगरमा आयोजित पत्रकार सम्मेलन गर्दै माओवादी केन्द्र कोशी प्रदेशले यस्तो दाबी गरेको हो । उक्त अभियान […]