काठमाडाैं, पुष २४ । सिटिजन लाइफ इन्स्योरेन्सका एजेन्सी म्यानेजर अमरलाल धामीले आफ्नो कार्यकुशलता र प्रतिबद्धताको माध्यमबाट संस्थाको प्रतिष्ठा बढाउन महत्वपूर्ण योगदान पुर्याएका छन्। स्नातक तहसम्मको शिक्षा हासिल गरेका धामीले कम्पनीमा आबद्ध भएको एक वर्षमै एमडीआरटीको उपलब्धि हासिल गरेका छन्। उनले बीमा क्षेत्रका चुनौती र अवसरहरूलाई व्यवहारिक रूपमा सम्बोधन गर्दै आएका छन्।
बीमा क्षेत्रका विभिन्न चुनौतीहरू र अवसरहरूलाई धामीले सधैं व्यवहारिक रूपमा सामना गरेका छन्। उनले बीमा कम्पनीको सुरक्षा, बचत र आर्थिक मेरुदण्डको जोखिमलाई केवल भाषणमा मात्र सीमित नराखी व्यवहारमा उतार्न सफल भएका छन्। यसको प्रमाण उनको दैनिक कार्यशैलीले नै पुष्टि गर्छ।
धामीका अनुसार संस्थाको सकारात्मक कार्य संस्कृति र कर्मचारीहरूको मैत्रीपूर्ण व्यवहारले उनलाई थप प्रेरणा मिलेको छ। उनी बीमा व्यवसायका साथै सामाजिक कार्यमा पनि सक्रिय छन्। आफ्नो सरल स्वभावका कारण उनी सबैको दुःख-सुखमा साथ दिन तत्पर रहन्छन्। धामीले सबैसँग सहकार्य गरी अघि बढ्न चाहेको बताएका छन्।
साधारण किसान परिवारबाट आएका धामी आज सिटिजन लाइफ इन्स्योरेन्समा एक सफल बीमा व्यवसायीका रूपमा स्थापित भएका छन्। उनको मेहनत र लगनशीलताले आज संस्थामा विशिष्ट स्थान बनाएको छ। धामीको कार्यशैली र सफलताले बीमा क्षेत्रमा करियर बनाउन चाहनेहरूका लागि प्रेरणाको स्रोत बनेको छ।
