विराटनगर, माघ ४ । बिराटनगरको प्रतिष्ठित इलेक्ट्रोनिक सामान बिक्रेता हाजी स्टोरले मोटोरोला स्मार्टफोन बिराटनगरमा औपचारिक रूपमा लन्च गरेको छ। पत्रकार सम्मेलनमा हाजी स्टोरका संचालक खुर्सिद आलमले चौधरी ग्रुपको सहकार्यमा नेपालमा मोटोरोला ब्राण्ड भित्र्याइएको र बिराटनगरको लागि आफ्नो स्टोर आधिकारिक डिस्ट्रीब्युटर रहेको जानकारी दिए।
लन्च कार्यक्रममा तीन फरक मोडलका स्मार्टफोन सार्वजनिक गरिएको छ। G45 सिरिजको मोबाइल रु. २४,९९९ मा उपलब्ध छ, जसमा ५० मेगापिक्सलको मुख्य क्यामेरा, १६ मेगापिक्सलको सेल्फी क्यामेरा र ५००० एमएएच क्षमताको ब्याट्री रहेको छ। G64 सिरिजको मूल्य रु. ३०,९९९ तोकिएको छ, यसमा ५० मेगापिक्सलको मुख्य क्यामेरा, १६ मेगापिक्सलको सेल्फी क्यामेरा र ६००० एमएएच क्षमताको ब्याट्री समावेश छ।
प्रिमियम मोडल G85 सिरिजमा कर्भ डिस्प्ले जडित छ, जसको १२/२५६ भेरिएन्टको मूल्य रु. ३७,४९९ र ८/२५६ भेरिएन्टको मूल्य रु. ३४,४९९ तोकिएको छ। यस मोडलमा ५० मेगापिक्सलको मुख्य क्यामेरा, ३२ मेगापिक्सलको फ्रन्ट क्यामेरा र ५००० एमएएच क्षमताको ब्याट्री रहेको छ।
हाजी स्टोरका अर्का संचालक जमसेद कमरले केही समयपछि सरल किस्ताबन्दीमा पनि मोबाइल उपलब्ध गराइने योजना रहेको बताए। ७४ वर्षदेखि बिराटनगर र आसपासका क्षेत्रमा गुणस्तरीय इलेक्ट्रोनिक सामान बिक्री गर्दै आएको हाजी स्टोर ग्राहकको विश्वासको केन्द्र बनेको छ।
