०८ फाल्गुण २०८१, बिहिबार
20-02-2025 , Thu
Gold Silver Price (7 Fagun 2081, WED)
Fine Gold 1 Tola NRs. 171000
Silver 1 Tola Nrs. 2000

योगी आदित्यनाथसँगै भुटानी राजाले पनि महाकुम्भमा लगाए डुबुल्की

Logo
जनचर्चा संवाददाता प्रकाशित बुधबार, माघ २३, २०८१

विराटनगर, माघ  २३ । भारतको उत्तर प्रदेशस्थित प्रयागराजमा जारी महाकुम्भमा मुख्यमन्त्री आदित्यनाथसँगै भुटानी राजा जिग्मे खेसर नामग्याल वांगचुकले पनि संगमस्थलमा डुबुल्की लगाएका छन्। भुटानी नरेशले गंगा पूजा र आरती गरेका थिए। त्यसपछि अक्षयबटधाम तथा लेटे हनुमानको पनि दर्शन तथा पूजा गरेका थिए।

योगी आदित्यनाथ भुटानी राजालाई लिएर लखनउबाट विमानमा बमरौली एयरपोर्ट पुगेका थिए। त्यहाँबाट सडकमार्ग हुँदै कुम्भमा स्नान गर्न पुगेका हुन्। अरैलीले घाटबाट बोटमा सवार भएर संगम पुगेर डुबुल्की लगाएको भारतीय सञ्चारमाध्यामले जनाएका छन्।

योगी तथा भुटानका राजाको आगमनसँगै हनुमान मन्दिर तथा अक्षयबटमा श्रद्धालुहरुका लागि ढोका बन्द गरिएको थियो। साँझ ४ बजेपछि श्रद्धालुका लागि उक्त स्थान खोलिने कार्यतालिका रहेको छ।

५ फेब्रुअरीमा भारतीय प्रधानमन्त्री नरेन्द्र मोदी महाकुम्भमा जाने कार्यतालिका रहेको छ। मोदीको आगमनलाई ध्यानमा राख्दै योगीले हेलिप्याडदेखि अरैलीघाटदेखि संगमस्थल सम्मको व्यवस्थापन हेरिरहेका छन्।

महाकुम्भको आज २३ औँ दिन हो। अहिलेसम्म ३७ करोड मानिसहरुले डुबुल्की लगाएको जनाइएको छ। आज बिहान १० बजेदेखि ४२ लाख बढीले स्नान गरिसकेका छन्। सोमबार अर्थात वसन्त पञ्चमीका दिन करिब २.३३ करोडले स्नान गरेको भारतीय सञ्चार माध्यामले जनाएका छन्।

कमेन्ट गर्नुहोस्
सम्बन्धित

काठमाडौं ,७ फाल्गुन । पूर्वराजा ज्ञानेन्द्र शाहले राष्ट्र जोगाउन, राष्ट्रिय एकता कायम राख्न, देशको समृद्धि र उन्नतिका निमित्त साथ दिन सबै देशवासीहरुलाई आह्वान गरेका छन् । प्रजातन्त्र दिवसको पूर्वसन्ध्यामा एक भिडिओ सन्देश जारी गर्दै पूर्वराजा शाहले भनेका छन्, ‘राष्ट्र रक्षाको निम्ति सबैको अनुशासन र इमान्दार प्रयत्न हुनु पर्दछ । हामीले पहिले पनि राष्ट्रिय समस्या सुल्झियोस भनेर […]

विराटनगर ,६ फाल्गुन ।  कोशी प्रदेशको राजधानी विराटनगरमा आयोजना गर्न लागिएको नवौं संस्करणको विराट गोल्डकप फुटबल प्रतियोगिताको तयारी तीव्र पारिएको छ । प्रतियोगितामा दुई वटा भारतीयसहित १० वटा टिम सहभागी हुने पक्का भएको छ । विराटनगरमा सोमबार पत्रकार सम्मेलनमार्फत भारतका दुई र नेपालका विभागीयसहित आठ वटा गरी प्रतियोगितामा १० वटा टिमको सहभागिता रहने जानकारी दिइयो […]

विराटनगर, ६ फाल्गुन । नेकपा (माओवादी केन्द्र) कोशी प्रदेश समितिले आगामी फागुन १२ गतेदेखि सुरु हुने ‘जनतासँग माओवादी, तराई–मधेश जनजनगरण अभियान’का क्रममा अन्य पार्टीका हजारौं कार्यकर्ता भित्र्याउने दाबी गरेको छ । कोशी प्रदेश परिषद बैठकको निर्णय सार्वजनिक गर्न सोमबार विराटनगरमा आयोजित पत्रकार सम्मेलन गर्दै माओवादी केन्द्र कोशी प्रदेशले यस्तो दाबी गरेको हो । उक्त अभियान […]