१४ भाद्र २०८२, शनिबार
30-08-2025 , Sat
Gold Silver Price (28 shrawan 2082, Wed)
Fine Gold 1 Tola NRs. 197200
Silver 1 Tola Nrs. 2340

विराटनगरमा त्रिदण्डी चिन्न जीयर स्वामीजी आउँदै

पञ्चकुण्डात्मक पाञ्चाह्रिक बह्मायज्ञ हुने
Logo
जनचर्चा संवाददाता प्रकाशित बिहिबार, फाल्गुण २९, २०८१

विराटनगर, फगुन २९ । विराटनगर स्थित पिपलचोकमा रहेको लक्ष्मीनारायण मन्दिरमा पञ्चकुण्डात्मक पाञ्चाह्रिक बह्मायज्ञ हुने भएको छ । भारतको हैदरावाद बाट श्री श्री श्री त्रिदण्डी श्रीमन्नारायण रामानुज चिन्न जीयर स्वामीजीको विशेष आतिथ्यतामा यो यज्ञ हुन लागेको हो ।

बिहिबार मन्दिरमा आयोजित पत्रकार सम्मेलनमा यही चैत्र १ देखि ५ गतेसम्म यज्ञ हुन लागेको जानकारी दिइयो । मन्दिर व्यवस्थापन समितिका अध्यक्ष कुमार खतिवडाले जीयर स्वामीको विशेष तत्वावधानमा कार्यक्रम हुन लागेको जानकारी दिए । यज्ञमा दैनिक ५ हजार भक्तजन उपस्थित रहने खतिवडाले बताए । यस्तै सामुहिक ब्रतबन्धको कार्यक्रम समेत राखिएको छ । जसमा जतिजना बटुक हुन्छन् सोही अनुरुप प्रत्येकको छुट्टै यज्ञादीको व्यवस्था गरिएको जानकारी दिइयो । सामुहिक ब्रतबन्ध भनिएपनि बटुकहरुले आ आफ्नो कर्म गराउन पाउने जानकारी दिइयो ।

यस्तै धार्मिक अभियन्ता तथा नेपाली कांग्रेसका केन्द्रीय सदस्य भीम पराजुलीले विराटनगरमा आउनलाग्नु भएका चिन्न जीयर स्वामीको स्वागतमा हुने सवै काम सम्पन्न भएको बताए । विद्धान धार्मिक व्यक्तित्वको आगमनलाई विराटनगरले गौरवकारुपमा लिएको र कार्यक्रम सम्पन्न गराउन लागिपरेको जानकारी दिए । यस्तै मन्दिरका सल्लाहकार तथा धार्मिक गुरु स्वामी रामानुज नेपालले भागवत आराधना,प्रबन्ध पाठ हवन,प्रवचन तथा महाउत्सव हुने जानकारी दिए । चिन्न जीयर स्वामीजीको विशेष आतिथ्यता हुने भएकाले यसमा सम्लग्न हुन धर्मानुरागीहरुको विभिन्न जिल्लाबाट सहभागि रहने बताए । यज्ञस्थलमा ५ दिन विभिन्न धार्मिक अनुष्ठान सहित अरणिमन्थन,अग्निप्रतिष्ठा,भगवानका सेवा आराधना,वेद,इतिहास,पुराण,स्त्रोत्र आदी गरिने छ । पत्रकार सम्मेलनमा मन्दिरका महासचिव युवराज धिताल,धार्मिक अभियन्ता देवेन्द्र गुप्ता,लालमोहन ठाकुर,अनन्त पराजुली,रमेश आचार्य लगायतको सहभागिता रहेको थियो ।

कमेन्ट गर्नुहोस्
सम्बन्धित

२९ श्रावण, विराटनगर । पूर्वाञ्चल विश्वविद्यालय कलेज अफ ल, विराटनगरमा भर्ना कार्यक्रम धमाधम भइरहेको छ। श्रावणको पहिलो साताबाटै सुरु भएको भर्ना कार्यक्रममा ठूलो संख्यामा विद्यार्थीहरुको चासो देखिएको छ। शैक्षिक सत्र २०८२ (सन् २०२५) का लागि ५ वर्षे बि.एल.एल.बि र ३ वर्षे एल.एल.बि शैक्षिक कार्यक्रममा नयाँ विद्यार्थी भर्ना लिईदैछ। उक्त शैक्षिक कार्यक्रमहरु बार्षिक प्रणालीमा संचालित हुने […]

विराटनगर,२९ साउन । हुलाकी राजमार्गको मोरङ खण्ड अन्तरगत ६ किलोमिटर सडक निर्माण सुरु भएको ६ वर्षसम्म नबनेपछि कोशी प्रदेशका सांसद भीम पराजुलीले गत आइतबार कोशी प्रदेशसभा बैठकको शून्य समयमा बोल्दै सडकको काम तत्काल अघि नबढे प्रदेशसभा अगाडि आमरण अनशन बस्ने घोषणा गरिदिए । यस संगै सदन,सडक र नेताहरुमाझ चर्चाको विषय बनेको हुलाकी राजमार्गको बहस सकिएको छैन […]

विराटनगर, भाद्र २८ – देशको  पुरानो र भरपर्दो शैक्षिक परामर्शदाता संस्था ओली एण्ड एसाेसियट्सले मंगलबार विराटनगरमा आफ्नो ११औं शाखाको उद्घाटन गरेको छ। उद्घाटनकै अवसरमा विदेश पढ्न जान चाहने विद्यार्थीहरूको लागि ग्लोबल एक्स्पोको पनि आयोजना गरिएको थियो। संसारीमाई स्थान नजिक रहेको कन्सल्टेन्सी भवनमा आयोजित कार्यक्रममा विदेश अध्ययनमा रुचि राख्ने ५०० भन्दा बढी विद्यार्थीहरूले सहभागिता जनाएका थिए। […]