१४ भाद्र २०८२, शनिबार
30-08-2025 , Sat
Gold Silver Price (28 shrawan 2082, Wed)
Fine Gold 1 Tola NRs. 197200
Silver 1 Tola Nrs. 2340

चिन्न जीयर स्वामीद्धारा विराटनगरमा धार्मिक प्रवचन

Logo
जनचर्चा संवाददाता प्रकाशित आइतबार, चैत्र ०२, २०८१

विराटनगर,३ चैत्र । विराटनगरमा वैदिक सनातन धर्मको वैज्ञानिकता र आजको समाज विषयक धार्मिक प्रवचन सम्पन भएको छ । शनिबार श्री श्री श्री चिन्न जीयर स्वामी महाराजले दिनुभएको प्रवचनमा कोशी प्रदेशका विभिन्न धर्मानुराघीहरूको सहभागीता रहेको थियो ।

प्रवचन कार्यक्रममा बेद र सनातन धर्मले अगालेका विषयहरूनै मानव जीवनका लागि मोक्ष पाउने उत्तम बाटो भएको बताइयो । बेदले भनेको विषयलाई अहिलेको विज्ञानले समेत अंगिकार गरेको भन्दै स्वामीले सनातन धर्म र बेदको रक्षा गर्नुपर्ने बताउनु भयो । उहाँले गौं रक्षाका लागि लाग्न पनि आग्रह गर्नुभयो । सनातन धर्मले बताएको वर्तमान र भविष्य विज्ञान भन्दा माथि रहेको उहाँको भनाइ थियो । वैदिक सनातनलाईनै विज्ञानले अंगिकार गर्दै अनुसन्धान गरिरहेको र सोही अनुसारनै रहेको प्रमाणित हुदै गएको दावी उहाँको थियो ।

उहाँले आफ्नो जीवनलाई बदल्न अन्यकुराले शान्ति नदिने बताउनु भयो । वैदिक धर्म र सनातन कर्मले मानिसलाई सत्कर्ममा जोड्ने भएकाले आफ्ना् स्वधर्म नछोड्न आग्रह गर्नुभयो । मानिसले जसरी भोक लागेको कुरा देखाउन सक्दैन त्यस्तै भगवान पनि देख्न नसकिने तर अनुभुती गर्न सकिने उहाँको भनाइ थियो ।

प्रवचन कार्यक्रममा विराटनगर महानगरका मेयर नागेश कोइराला,मोरङका प्रमुख जिल्ला अधिकारी इन्द्रदेव यादव,धार्मिक अभियन्ता इन्दिरा रिजाल,सुरेश शर्मा, श्याम पौडेल,उद्योगी तथा सामाजिक अभियन्ता राजेन्द्र राउत,पर्यटन व्यवसायी भविश श्रेष्ठ लगायतको सहभागिता रहेको थियो ।

यही चैत्र १ देखि ५ गतेसम्म कञ्चनबारी पिपलचोकमा रहेको लक्ष्मीनारायण मन्दिरमा पञ्चकुण्डात्मक पाञ्चाह्रिक बह्मायज्ञ भइरहेको छ  । मन्दिर व्यवस्थापन समितिका अध्यक्ष कुमार खतिवडाले यो अभियानको नेतृत्व गरिरहेका छन् । उनले जीयर स्वामीको विशेष तत्वावधानमा कार्यक्रम भइरहेको बताए । सोही कार्यक्रम अन्तरगत कोशी प्रदेशका प्रवुद्ध व्यक्तिहरु संग धार्मिक प्रवचन गरिएको हो ।

कमेन्ट गर्नुहोस्
सम्बन्धित

२९ श्रावण, विराटनगर । पूर्वाञ्चल विश्वविद्यालय कलेज अफ ल, विराटनगरमा भर्ना कार्यक्रम धमाधम भइरहेको छ। श्रावणको पहिलो साताबाटै सुरु भएको भर्ना कार्यक्रममा ठूलो संख्यामा विद्यार्थीहरुको चासो देखिएको छ। शैक्षिक सत्र २०८२ (सन् २०२५) का लागि ५ वर्षे बि.एल.एल.बि र ३ वर्षे एल.एल.बि शैक्षिक कार्यक्रममा नयाँ विद्यार्थी भर्ना लिईदैछ। उक्त शैक्षिक कार्यक्रमहरु बार्षिक प्रणालीमा संचालित हुने […]

विराटनगर,२९ साउन । हुलाकी राजमार्गको मोरङ खण्ड अन्तरगत ६ किलोमिटर सडक निर्माण सुरु भएको ६ वर्षसम्म नबनेपछि कोशी प्रदेशका सांसद भीम पराजुलीले गत आइतबार कोशी प्रदेशसभा बैठकको शून्य समयमा बोल्दै सडकको काम तत्काल अघि नबढे प्रदेशसभा अगाडि आमरण अनशन बस्ने घोषणा गरिदिए । यस संगै सदन,सडक र नेताहरुमाझ चर्चाको विषय बनेको हुलाकी राजमार्गको बहस सकिएको छैन […]

विराटनगर, भाद्र २८ – देशको  पुरानो र भरपर्दो शैक्षिक परामर्शदाता संस्था ओली एण्ड एसाेसियट्सले मंगलबार विराटनगरमा आफ्नो ११औं शाखाको उद्घाटन गरेको छ। उद्घाटनकै अवसरमा विदेश पढ्न जान चाहने विद्यार्थीहरूको लागि ग्लोबल एक्स्पोको पनि आयोजना गरिएको थियो। संसारीमाई स्थान नजिक रहेको कन्सल्टेन्सी भवनमा आयोजित कार्यक्रममा विदेश अध्ययनमा रुचि राख्ने ५०० भन्दा बढी विद्यार्थीहरूले सहभागिता जनाएका थिए। […]