विराटनगर,१७ जेष्ठ । एलन मस्कको दाहिने आँखामा माथी कालो धब्बा देखेपछि गरिएका विभिन्न अड्कलबाजी फेल भएका छन् । यसको खुलासा उनी आफैले गरेका छन् । पत्रकारहरुको जिज्ञासामा उनले पाँच वर्षीय छोरा एक्स एश एट्वेल्भले मुक्का प्रहार गर्दा भएको हुनसक्ने भनेर बताएका छन्।
म एक्ससँग खेल्दै थिएँ। मैले उनलाई मेरो अनुहारमा मुक्का हान भनेपछि उसले मुक्का हानेको पनि थियो। मलाई त्यतिबेला खासै केही महसुस भएको थिएन। पछि नीलो भएको होला, मस्कले पत्रकारहरूसँग भने।
यो मस्कको कुरा ट्रम्प कार्यालयमा भएको हो । यो सम्वादलाई ट्रम्पले समेत रमाइलो मानेर सुनिरहेका थिए।डाम नै बसेको छ र ? मैले त याद नै गरेको थिइनँ, मस्कको आँखामा हेर्दै ट्रम्पले भनेका थिए। तर एक्सले त्यस्तो डाम नै बस्ने गरी मुक्का हान्न सक्छन् भन्नेमा आफूलाई थाहा भएको ट्रम्पले बताएका थिए। यस कुरालाई बालबालिकाले कहिलेकाही अभर पनि पार्न सक्छन् र त्यसखाले घटना भएका पनि छन् भनेर चर्चा भइरहेको छ ।
एजेन्सीबाट
