विराटनगर, असार १८ । विराटनगर वार्ड नं. ५ को सिद्धकाली आधारभूत विद्यालयमा नयाँ भवन हस्तान्तरण भएको छ। रोटरी फाउन्डेसनको ग्लोबल ग्रान्ड कार्यक्रमबाट निर्मित भवनहरू विद्यालय व्यवस्थापन समितिलाई सुम्पिएको हो। आईतवार मेयर नागेश कोइरालाको उपस्थितिमा भएको कार्यक्रममा रोट्रयाक्ट क्लब विराटनगरले भवन हस्तान्तरण गरेको छ। करिब ५० लाख रुपैयाँ लागतमा चार वटा भवन निर्माण गरिएको छ।
नयाँ भवनमा १२ वटा कक्षाकोठा छन्। दुई वटा अपाङ्गमैत्री शौचालय छुट्टाछुट्टै निर्माण गरिएको छ। छात्र र छात्राका लागि अलग शौचालय व्यवस्था छ।भवनमा खेल मैदान, टाइल बिछ्याइएको बाटो र पार्किङ स्थल छ। खेलकुदका लागि छुट्टै क्षेत्र बनाइएको छ। कार्यक्रममा मेयर कोइराला, रोटरी इन्टरनेसनलका बासुदेव गोलियान, प्रमुख प्रशासकीय अधिकृत रामप्रसाद ढुंगेल उपस्थित थिए। रोटरीका बिनोद अग्रवाल, टीपी आचार्य, कमल अग्रवाल, अमित सिंघल, नरेश राठी पनि सहभागी थिए।
समाजसेवी उद्धव थापा, रोट्रयाक्ट अध्यक्ष प्रेम पारख, पूर्व अध्यक्ष रोहित रोनियार, एरोश पौडेल, सजल सुवेदी, काेषाध्यक्ष अनिल कुमार राैनियारले संयुक्तरुपमा भवन हस्तान्तरण गरे। व्यवस्थापन समितिका अध्यक्ष रामकुमार यादव र प्रधानाध्यापक राजेन्द्र प्रसाद थापाले भवन बुझे। मेयर कोइराला र गोलियानले भवनको उद्घाटन गरे। कार्यक्रमको अन्त्यमा प्रेम पारखले आँशु निरौलालाई नयाँ अध्यक्षको जिम्मेवारी हस्तान्तरण गरे।
