विराटनगर, असार २० गते । विज्ञान संकायतर्फ नेपालकै उत्कृष्ट मानिने विराटनगरको अरनिको कलेजले भर्नाका लागि नयाँ नियम लागू गरेको छ। कलेजले ‘जुन विद्यार्थी पहिले भर्ना लिन्छ, उसले पढ्न पाउने’ नियम अनुसार भर्ना प्रक्रिया सुरु गरेको छ।
शैक्षिक सत्र २०८२/०८३ का लागि कक्षा ११ मा विज्ञान संकाय तर्फ एक हजार विद्यार्थी भर्ना लिने तयारी पूरा गरेको कलेजले बिहीबार प्रवेश परीक्षा सञ्चालन गरेको थियो। यस परीक्षामा दुई हजार भन्दा बढी विद्यार्थीले सहभागिता जनाएका थिए। प्रवेश परीक्षा दिनेकाे संख्या अत्याधिक भएकाले प्रशासनले कलेज ब्लक सँगसँगै स्कुल ब्लकमा समेत प्रवेश परीक्षा लिएका थिए।
कलेजका प्रिन्सिपल राजेश कार्की भन्नुहुन्छ, “कक्षा ११ मा विज्ञान संकाय तर्फ बिहान र दिउँसो गरी दुई सिफ्टमा अध्ययनका लागि एक हजार विद्यार्थी भर्ना लिन्छौं।” वहाँकाे अनुसार प्रवेश परीक्षाको नतिजाको आधारमा जुन विद्यार्थी अगाडि आउँछ उसले पढ्न पाउँछ। प्रिन्सिपल कार्कीले कलेज प्रशासनले एक हजार विद्यार्थी मात्रै भर्ना लिएर अध्यापन गराउने तयारी गरेकाले त्यो भन्दा बढी विद्यार्थी भर्ना नलिने स्पष्ट पारे। कलेजले बिहीबार नै प्रवेश परीक्षाको नतिजा सार्वजनिक गरेर भर्ना लिने प्रक्रिया सुरु गरेको छ। परीक्षाको नतिजा र एसईई परीक्षाको जिपिए अंक जोडेर विद्यार्थीलाई छात्रवृत्ति दिने समेत कलेजकाे तयारी छ।
