काठमाडाै, साउन ५ । मधेस प्रदेशका पूर्व प्रदेश प्रमुख राजेश झा (अहिराज) बलात्कारको आरोपमा पक्राउ परेका छन्। गत चैत २५ गते काठमाडौं जिल्ला अदालतले उनका विरुद्ध गिरफ्तारी वारेन्ट जारी गरेपछि लुकिछिपि बसेका अहिराजलाई आइतबार राजधानीबाट पक्राउ गरिएको हो।
काठमाडौं जिल्ला प्रहरी परिसरका प्रवक्ता एसपी अपिलराज बोहराका अनुसार अदालतबाट थप ५ दिनको म्याद लिएर अनुसन्धान अगाडि बढाइएको छ। २३ वर्षीया महिलाले अहिराजविरुद्ध बलात्कारको उजुरी दर्ता गराएकी छिन्। उजुरीअनुसार अहिराजले उक्त महिलालाई काठमाडौंस्थित आफ्नै घरमा लगेर बलात्कार गरेको आरोप लगाइएको छ।
यसअघि अहिराज आफैंले सोही पीडित महिलाविरुद्ध आर्थिक धोकाधडीको आरोपमा उजुरी दिएका थिए।
